Dezgeha Asayîşê: Aram û Şermîn ji ber xirab bikaranîna desthilatê hatin girtin

PUKMEDIA

Dezgeha Asayîşê

Asayîşa Herêma Kurdistanê derbarê binçavkirina Aram Hesen û Şermîn Elî de daxuyaniyek da û amaje bi wê yekê kir: Dosyaya wan ti pêwendiya wan bi rojnamevanî, rêxistin û azadiya derbirînê re nîne û li gor madeya 341 a yasaya cezayên Êraqê hatine girtin.

Nivîsa daxuyaniyê…

Derbarê girtiyan (Aram Hesen û Şermîn Elî) de, dezgeha ewlekariya Herêma Kurdistanê ji raya giştî re eşkere kir: Dosyeya herdu girtiyan ti pêwendî bi rojnamevanî, rêxistin û azadiya derbirînê re nîne. û armanca wan xapandina raya giştî ye.
Her du kes li gor madeya 341 a yasaya sizayên Êraqê ji aliyê dadwerê lêkolînê ve hatine binçavkirin, ji ber ku ew karmendên hikûmetê ne û sedema girtina wan jî diyar e.
Di dema borî de ew û muwekîlên wan derdiketin berdem dadwerê lêpirsîna asayîşê û wî ew dîtine û îfadeyên wan girtine û hemû rêkarên yasayî li dijî wan hatine standin û dezgeha asayîşê tenê dezgeha qanûnê ye.

Di 2/5/2023an de, Rêxistina Navdewletî ya Xaça Sor ji bo agahdarî ji rewşa girtiyan seredana zindana ewlehiyê kir, di van çend rojên borî de bi hemû girtiyan re hevdîtin pêk anîne û her du kes jî di nav de ne û xizmên wan jî serdana wan kirine.
Weke Dezgeha Asayîşa Herêma Kurdistanê, em herdem li pêşiya her kesekî, aliyên yasayî, rêxistinên mafên mirovan û rojnamevanên ku bixwazin lêkolînê li ser rewşa xwe bikin re vekirî ne.


PUKMEDIA