YNK ji bo sererastkirina yasaya hilbijartinê giliyê xwe dike

PUKMEDIA

YNK ji bo sererastkirina yasaya hilbijartinê giliyê xwe dike

Fraksiyona YNKê li Parlemantoya Kurdistanê ji bo guhertina yasaya hilbijartinên Herêma Kurdistanê giliyê  xwe tomar kir li Dadgeha Federalî ya Êraqê li Bexdadê .

PDKê dijî guhertina yasaya Hilbijartine

Cîgirê Serokê Fraksiyona Yekîtiya Niştimanî ya Kurdistanê (YNK) li Parlamentoya Kurdistanê Luqman Werdî ji PUKMEDIA re ragihand:"Ev du sal in em kar dikin ji bo lihevkirina li ser sererastkirina yasaya hilbijartinan li Herêma Kurdistanê, lê PDKê di vî warî de ti gavekî cidî neavêtiye û sererastkirina yasayê hatiye rawestandin."
Werdî got: YNK alîgirê  yasaya kevin hilbijartinan nine û fraksiyona me li Parlamentoya Kurdistanê li dijî qanûna hejmar 1 ya hilbijartinên sala 1992an gilî kiriye û daxwaz dike ku berî hilbijartinan ev yasa were sererastkirin.
Her wiha got :“Eger Dadgeha Federalî biryar da ku dirêjkirina dema parlamentoya Kurdistanê neyasayî bû, divê rêyekê ji bo sererastkirina yasaya hilbijartinan bibîne û rê li ber yasaya kevin bigire ku bi wê hilbijartinên Herêma Kurdistanê bên kirin, ji ber ku hilbijartinên li gorî zagona kevn wê rewşê neguherîne û pêvajoya demokrasiyê winda bike."

Daxwaza YNKê ya Gelê Kurdistanê 

“Daxwaza YNK’ê ya ji bo sererastkirina yasaya hilbijartinê ne tenê daxwaza YNK’ê ye, belkî daxwaza partiyan û gelê Herêma Kurdistanê ye jî, ku ne bi yasaya kevin re ne.’’Werdî got
Li ser pêşniyara Serokê YNKê rêzdar Bafil Talebanî dezgeha Hilbijartinan a YNKê û Mekteba Hilbijartinan a PDKê çend caran li ser guhertinên yasaya hilbijartinan û pirsa tomarkirina dengderan û aktîvkirina komîsyona hilbijartinan civiyane,di wan civînan de PDKê razî bû ku qanûna hilbijartinan serast bikin  û tomarkirina dengderanê Êraqê  bikin  bingeh ji bo hilbijartinan lê belê  niha ji soza xwe poşman bûye û ji wê yekê direve.
Li hember de Yekîtiya Niştimanî ya Kurdistanê ,Yekgirtûya Îslamiya Kurdistanê, Civaka Dadweriya Kurdistanê û Tevgera Gorran daxwaza serrastkirina yasaya hilbijartinan dikin  û li gor yasaya kevin amade nînin  hilbijartinên  parlamentoyê bên kirin.
PUKMEDIA