Serok Bafil: Me xemsariya hikûmetê li hember xwendekaran telafî kir

PUKMEDIA

Peyama pîrozbahiyê ji Serok Bafil

Serokê Yekîtiya Niştimaniya Kurdistanê (YNK) bi helkefta 47 saliya damezrandina xwe pîrozbahiyê li xwendekaran dike û got:“Ez soz didim we ku îsal Komeleya Xwendekarên Kurdistanê dê bi stratejiyek nû û nûjen têkoşîna xwe ya sivîl û rêxistinî bidomîne û armanca wê jî dûrî berjewendiyên hizbî û taybet, xizmetkirina proseya xwendinê û mafên rewa yên xwendekaran be.
Nivîsa peyamê.
Bi helkefta 47 saliya damezrandina Komeleya Xwendekarên Kurdistanê, bi germî pîrozbahiyê li xwendekarên Kurdistanê dikim û hêviya serkeftinê ji bo wan dixwazim.
Dîroka tekoşîna birûmet a komeleya xwendekaran di şoreşa nû de û tekoşîna wê ya berdewam ji bo berzbûna Kurdistanê cihê şanaziyê ye ji bo YNK û hewlên wê yên dirustkirina civakeke hişyar û azadîxwaz ku tê de xwendekar weke hêzekê tê de û bi enerjiyek nû civakê bi rê ve bibin, em spasdar in.
Xwendevan û ciwanên Kurdistanê yên hêja;
Piştî serkeftinên berdewam ên komelê di dema borî de û bidestveanîna armancên wê di vê qonaxa dijwar a Kurdistanê de, ez soz didim we ku îsal Komela Xwendekarên Kurdistanê bi stratejiyek nû û nûjen têkoşîna xwe ya sivîl û rêxistinî berdewam bike,dê xizmeta pêşdebirina pêvajoya perwerdeyê û mafên rewa yên xwendekaran bike.
Di dema borî de, min keyfxweş bû ku derfeta min hebû ku ji nêzîk ve bi xwendekarên Kurd re li ser proseya xwendinê û xwendina bilind li herêmê, mafên xwendekaran û hewlên ji bo nasandina xwendineke nûjen û saxlem û naskirina pirsgirêkan gotûbêj bikim. Di wê demê de me soz da ku em ê alîkarî û piştevaniya wan bikin û encama sozên me yên di nûjenkirina dezgehên navxwe, dabînkirina pêdawîstiyan û dayîna mûçeyên xwendekaran rastiyeke nayê înkarkirin ku me valahiya xemsariya hikûmetê tijî kir û ev erk girt ser milê xwe. Mîsyonek ku me bi serbilindî daye ser milê xwe û her tiştê me kiriye û em ê bikin jî ji bo ciwanên welatê min bûye.
Ji bo qonaxa nû ya xebatê û hewlên me yên ji bo guhertinên radîkal di proseya xwendinê de, armanca me diyar e û em dixwazin vê sektora giring a Herêma Kurdistanê ber bi asteke bilindtir û nûjentir ve araste bikin. YNK naxwaze destêwerdanê di sektora xwendinê de bike, lê şanaziyê bi wê yekê dike ku piştevanî û alîkariya pêşketina xwendina Herêma Kurdistanê û bidestxistina mafên xwendekaran dike. Helbet dema ku em dibêjin xwendekar, mebesta me hemû xwendekarên Kurdistanê bi hemû deng û rengên cuda,û liberçavgirtina paşxana hizbî û siyasî di stratejiya karkirina me de cih nagire.
Pêşxistina asta zanistî ya zanîngehan û avakirina têkiliyeke saxlem di navbera mamoste û Xwendevan de, bi konfêrans û hemahengiya berdewam di navbera zanîngeh û peymangehên Kurdistanê bi zanîngeh û navendên zanistî yên navdewletî re, pêşkêşkirina xizmetguzariyan û dabînkirina jîngeheke xweş bo xwendekaran, armanca paşerojê ya Komeleya Xwendekaranê Kurdistanî be û bi piştevaniya xortên hêja û jêhatî yên Kurdistanê, emê rihekî nû bidin proseya xwendinê.

dilsoziya we
Bafil Celal Talabanî
Serokê Yekîtiya Niştimanî ya Kurdistanê
PUKMEDIA