Parêzerên Herêmê nerazîbûna heta biheta radeghînin

Kurdistan 10:33 AM - 2023-04-16

Parêzer Mihemed Yabe Sofî

Parêzerên hemû bajar û bajarokên Kurdistanê ji bo şermezarkirina por birîna  parêzer Mihemed Yaba Sofî li ber dadgehên Hewlêrê kom dibin û nerazîbûna heta bi heta radeghînin.

Sandîkaya Parêzerên Kurdistanê di daxuyaniyekê de wiha got: Em bang li hemû parêzerên Kurdistanê dikin ku li dijî êrîşa li ser parêzer Mihemed Yaba Sofî nerazîbûn nîşan bidin. îro saet di 11.00’an de li ber hemû dadgehên Kurdistanê li hemû bajar û bajarokên Kurdistanê amade bin û li hember berpirsên vê tawanê nerazîbûna xwe nîşan bidin û piştevaniya parêzerên hevkarên xwe bikin.

Doza parêzerê Hewlêrê dê bê pere bê parastin

Ji aliyê din ve parêzer Beşdar Hesen ku di heman demê de serokê tîma parêzerên girtiyan li Badînan e ji malpera fermî ya Yekîtiya Niştimanî ya Kurdistanê PUKMEDIA re ragihand: Em êrîşa nemirovî, bêexlaq û bêwijdanî ya li hember hevrêyê me parêzer Mihemed Yaba Sofî ku duh bi şev ji aliyê komek li derveyî qanûnê ve rastî êrîşa çekdarî hat, rastî îşkence û heqaretan hat, bi tundî şermezar dikin.
Divê mirov fêhm bike ku ti pirsgirêka parêzer bi aliyên dijber re nine lê tenê di çarçoveya qanûnê de mafên nûnerê xwe diparêze, di dawiyê de dadgeh biryarê dide ku mafê kê bide, ne parêzer.”

Got jî: Ez û parêzerên mekteba xwe, em amade ne ku bê pere parastina vê dosyaya hevkarê xwe bikin, bê guman em ê heta qonaxên dawî yên dadgehkirin û cezakirina tawanbaran piştgirî û alîkariyê bikin.

Li Hewlêrê 4 çekdar avêtin ser mala parêzerê Mihemed Yaba û bi tundî îşkence li wî kirin, rûyê wî û çend perçeyên laşê wî şikandin û pore wî birîn.

PUKMEDIA