Qubad Talebanî: Divê qerebuyên madî û manewî ji kesûkarên enfalan re bê kirin

PUKMEDIA

Qubad Talebanî

Cîgirê Serokwezîrên Hikûmeta Herêma Kurdistanê di peyamekê de bi boneya salvegera karesata Enfalê got: Erkê hikûmeta Êraqê ye ku qerebûkirina malbatên qurbaniyên Enfalê û gelê Kurd bide.

Nivîsa peyamê:
 
14’ê Nîsanê ne tenê roja bîranîna 182 hezar mirovên bêguneh e ku bi rêya rêjîma Baasê li gorî plansaziyeke pêşwext hatin kuştin. Ev roj ne tenê boneyeke ji xizmên qurbaniyên Enfalê ye, belkî boneyeke mezin a neteweyî ye ji bo gelê Kurd, ji ber ku proseya Enfalê proseya tinekirin tevahiya gelê Kurd bû.

Bi rastî, roja 14/4ê boneyeke ji bo bîranîna hemû kurdên bêguneh ên ku bûne qurbaniyên rêjîma  zordest ên li dû hev, boneyeke ku em li ser çarenivîsa gelê kurd bifikirin ku di bin her navekî de berdewam bûne qurbaniyên rejîmên zordar ên Kurdistan û Êraqê.

Heta ku em hevxemiya hemû bindestan nekin em nikarin bîranîna qurbaniyên Enfalê bi rêzdarî bigrin. Rêzgirtin ji bîranîna qurbaniyên Enfalê tê wateya bidawîkirina hemû cureyên zext û cudakariyên li dijî mafên mirovan û tê wateya qerebûkirina xizmên qurbaniyên Enfalê.

Bi vê boneyê ez bi bîr tînim ku erkê hikûmeta Êraqê ye ku qerebûkirina malbatên qurbaniyên Enfalê û gelê Kurd bide.

Ez bang li hêzên siyasî yên Kurdistanê û nûnerên Kurdistanê yên li Bexdayê bi taybetî nûnerên Yekîtiya Niştimanî ya Kurdistanê (YNK) dikim ku bi hemû hêza xwe kar ji bo qerebûkirina malbatên qurbaniyên Enfalê bikin.


Cigîrê Serokê Encumena Wezîran
Qubad Talebanî


PUKMEDIA