Saadî Pira: Hin kes qala çîroka Korê dikin lê ji dûr ve nedîtine

Kurdistan 04:53 PM - 2023-04-11

Saadî Ehmed Pîre

Îro di 32 saliya tomarkirina çîroka Korê de, li baregeha 3. ya Yekîtiya Niştimanî ya Kurdistanê (YNK) ya li Hewlêrê bi beşdariya endamê Mekteba Siyasî YNKê  Saadî Ehmed Pîra, kadro û xizmên şehîdên şer, Pêşmerge û fermandeyên beşdarî şerê civînek hat lidarxistin
Merasîm bi xulekek bêdengî ji bo ruhê pakê şehîdên riya rizgariya Kurdistanê destpê kir û piştre jî axaftina bixêrhatinê ji aliyê cîgirê berpirsê navenda 3 ya Hewlêrê ve hate xwendin û wiha got: “Hêzên Yekîtiya Niştimanî ya Kurdistanê (YNK) di têkbirina hêzên dagirker ên Derbendî Korê de berpirsyar bûn.
Endamê Mekteba Siyasî ya Yekîtiya Niştimanî ya Kurdistanê (YNK) Saadî Ehmed Pîra gotarek pêşkêş kir û got:"Bersiva çawaniya tomarkirina çîroka Korê di destê fermandar û şervanên ku çîrok tomar kirine û gelek ji wan sax in û xwîna şehîdan jî şahidiya wê dike, ne kesên ku Korê nedîtine."

Hinek kesan tenê Korê bi cilên Pêşmerge dîtine

"YNKê di şer de 9 şehîd û 32 birîndar hene û vegotina çîrokê ji aliyê kesên beşdar nebûne yan jî hinek ji wan tenê bi cil û bergên Pêşmerge ew dever dîtine, xwe qehremanên çîrokê dibînin, şermeke mezin e." 

Çîroka Korê wê her û her di rûpelên dîroka gelê me de bimîne

Ji aliyê din ve Berpirsê Liqa Hewlêrê ya Pêşmergeyên Dêrîn ên Yekîtiya Niştimanî ya Kurdistanê (YNK) Fatih Mela Qere jî got:“Di tomarkirina çîroka Korê heta hetayê di nav rûpelên dîroka gelê me de dimîne, baştir e fermandar û pêşmergeyên ku çîrok tomar kirine, heya sax in bi awayekî rêkûpêk û rast binivîsin.
"Hemû kesên dêrîn dizanin ku çîroka Korê di bin çavdêrî û beşdariya kê de hatiye tomarkirin? Û çawa? Ne hewce ye çîrokan bixapînin û yên din bikin leheng."

Kosret Resûl Elî serperiştiya tevahiya şer dikir

Fermandarê Korê Dastan Omer Nasr di merasîmê de gotarek pêşkêş kir û got: “Şerê Korê bi serpereştiya Kosret Resûl Elî bû.Heger ew li wir nebûya ev şer nedihat kirin, ez dikarim bibêjim hemû kurd deyndarê birêz Kosret in.
“Di şer de ji bilî birêz Kosret ti fermandar û berpirsek tunebû, lewma kes nikare vê serkeftina mezin a şerê Korê ji xwe re bike milk.
PUKMEDIA