Welatê me ji ber neftê salên dijwar derbas kiriye

PUKMEDIA

Rêwaz Fayeq

Serokê Parlamentoya Kurdistanê Rêwaz Fayeq pêşwazî li rêkeftina navbera hikûmeta federal û hikûmeta Herêma Kurdistanê kir.
Em hêvîdar in ku ev têgihiştin bibe destpêkek baş û hevbeş derbarê pirsgirêkên di navbera hikûmeta federal û hikûmeta Herêma Kurdistanê de.”
Serokê Parlamentoya her wiha got: Gelê Kurd ji ber nakokiyên li ser pirsa petrolê, salên dijwar û westandina qeyranan derbas kiriye û gelê me hêvî dike ku em hemû qonaxeke nû ya ewlekarî û aştiyê ava bikin.
Teksta peyama Serokê Parlamentoyê
Piştî çareser kirina pirsa neft û gazê di navbera Hikûmeta Federal û Hikûmeta Herêma Kurdistanê de, Parlamentoya Kurdistanê pêşwaziyê li wê rêkeftinê dike û bi germî pîrozbahiyê li gelê Kurd û Êraqê dike û hêvî dike ku ev rêkeftin bibe destpêka têgihîştina baş.
Gelê Kurd bi sedema kêşeyên li ser pirsa petrolê, salên dijwar û qeyran derbas kiriye, lewra gelê me hêvî dike ku em hemû qonaxeke nû ya ewlekarî û aramî û dadperweriyê di navbera hemû pêkhateyên civakê û hemû bajar û bajarokên xwe de ava bikin.
Ji bo vê mebestê jî piştî dabînkirina jêderên dahata herêmê, ji ber ku em pêdagirî li ser mafên herêma xwe di bûdceya dewleta Êraqê de dikin û wek belgeyek destûrî û yasayî ji bo bidestveanîna wan li ser yasayê, divê em li ser heman mantiqê israr bikin. Divê ji niha û pêde proje yasaya bûdceyê ji parlamentoyê re bê şandin û di vî warî de hemû erkên xwe yên yasayî pêk bînin.
Dr .Rêwaz Fayeq 
Serokê Parlamentoya Kurdistanê
PUKMEDIA