Ligel dijberiya hin fireksiyon Encumena Nûneran guhertina qanûna hilbijartinê pesend dike

Îraq 12:17 PM - 2023-03-27

Civîna Encumena Nûneran

Tevî dijberiya nûnerên serbixwe û hin aliyên siyasî, Encumena Nûneran yê Êraqê sibeha îro Duşemê 27.03.2023ê, sêyem guhartina yasaya helbijartinê ya Encûmena Nûneran, yasaya hejmar (12) ya hilbijartinên encumenên parêzgehan û navçeyan ya sala 2018ê pesend kir.

Li gor daxuyaniya ku ji Rêveberiya Ragihandinê ya Meclisa Nûneran ve hat dayîn 218 parlementer beşdarî rûniştinê bûn û diyar kir ku bi guherîna qanûnê armanca dike ku kombiryarên ji dadgeha federal derketî cîbicîh bê û ji bo pêkanîna hilbijartinên dadperwerane û azad û paqij ji bo encûmena nûnerên Êraqê û encûmenên parêzgehan ku li herêmekê nayên organîzekirin û bilindkirina wan û beşdariya hemû pêkhateyên civakê û mosogerkirina dabeşkirina dadperwerane ya kursiyan di nav lîsteyên hevrik de.
70 parlamenterên serbixwe û ji fireksiyonên din li dijî pesendkirina yasayê derketin û gelek caran hewl dan dengdana li ser madeyên wê asteng bikin, lewra serokê parlamentoyê Mihemed Helbûsî daxwaz ji hêza parastina parlamentoyê kir ku parlamenterên serbixwe ji salonê derxîne.

Fireksiyona Yekîtiya Niştîmanî li ser yasayê deng neda

Yekîtiya Niştimanî ya Kurdistanê ji bo dengdana li ser yasaya hilbijartinên civata nûneran û encûmenên parêzgehan, ji ber madeyên têkildarî hilbijartinên parêzgariya Kerkûkê, deng neda.
Di vê derbarê de Dr.Biryar Reşîd Endamê YNK di daxuyaniyekê de ji malpera fermî ya Yekîtiya Niştimanî PUKMEDIA re ragihand: Em weke Yekîtiya Niştimanî ya Kurdistanê li dijî bendên derbarê hilbijartinên parêzgeha Kerkûkê de bûn ji ber wê me dev ji dengdana qanûnê berda.
Got jî: li gor guhertina yasaya hilbijartinan, hilbijartinên encumenên parêzgeha Kerkûkê digel parêzgehên din dê di rojekê de bên kirin, lê divê li gor serjimêriya sala 1957ê û herwiha guhertinên din yên derbarê hilbijartinan de, tomarên dengderan li Kerkûkê  bên kontrol kirin.

Li gor wan kesên ku li dijî wê yekê derketin, di hinek made û xalên qanûnê de pirsgirêk û kêmasî hene, bi taybet di derbarê hilbijartinên Kerkûk û Mûsilê û pişkên pêkhateyan de.

Hilbijartin li gorî sîstema Sant Lîgo 1.7 pêk tê

Li gor qanûna ku hatiye guherandin, divê beriya dawiya vê salê li herêmê li gorî sîstema St.Lîgo 1.7 hilbijartin bê kirin.
Yasa ji 15 madeyan pêk tê ku mîkanîzma lidarxistina hilbijartinên Encûmena Nûneran û encûmenên parêzgehan ên ne rêxistinkirî li herêmê diyar dike herwiha tekezî li ser lidarxistina hilbijartinên dewreyên nû yên civata nûneran û parêzgehan beriya 45 roj bi dawîbûna dewreyan dike.
Her wiha di qanûnê de şertê temenî hat nîşankirin ku  ku ji salekê kêmtir nebe û rêjeya jinan jî ji %25 kêmtir be destnîşan kiriye.
Encûmena Nûnerên Iraqê ji 329 kursiyan pêk tê ku 9 ji wan ji bo kêmîneyan in.

PUKMEDIA