Yekîtî destûrê dike çareser ne lihevkirina virda wêda

Kurdistan 07:28 PM - 2023-03-21

Hikûmeta Herêmê û hikûmeta Êraqê aqê

Yekîtiya Niştimanî ya Kurdistanê (YNK) ji bo bihêzkirina demokrasiyê li Êraqê û çareserkirina pirsgirêkên di navbera Hewlêr û Bexdadê de tekez li ser cîbicîkirina destûrê kir û lihevkirina virda wêda li cihê destûrê nayê hesbandin.
Serokê Yekîtiya Niştimaniya Kurdistanê Bafil Celal Talebanî di hevdîtina xwe ya dawî de li gel Serokwezîrê Êraqê Mihemed Şiya Sûdanî tekezî li ser çareseriya siyasî ya pirsgirêkên di navbera Herêma Kurdistanê û Bexdayê de kir, bi awayekî ku mafên destûrî yên gelê Kurd parastî be.

Serok Mam Celal roleke girîng di xurtkirina mafên Kurdan de lîstiye

Endama Serkirdayetiya Yekîtiya Niştimanî ya Kurdistanê Rabîhe Hemed ji PUKMEDIA re wiha got: Yekîtî her tim parastina mafên gelê Kurd kiriye ji ber ku bi hezaran şehîdên Kurdistanê daye.

Rebîhe Hemed got: Serok Mam Celal roleke girîng di bihêzkirina mafên gelê Kurd li Êraqê lîstiye, ji ber wê jî Serok Bafil dê rêya Serok Mam Celal berdewam bike û li gor destûrê berevaniyê li mafên gelê Kurd bike.

YNK tekezî li ser cîbicîkirina destûrê dike

Lihevkirina virda wêda nakeva şûna destûrê û Yekîtî telez li ser çareserkirina pirsgirêkên di navbera Hewlêr û Bexdayê de bi rêya destûrê dike.

Endamê Encumena Nûnerên Êraqê D.Biryar Reşîd ji PUKMEDIA ragihand ku şandina şandekê bo Bexdadê û lihevkirineke virda wêda nakeve şûna destûrê, ji ber wê jî YNK tekez dike ku divê pirsgirêkên navbera Herêma Kurdistanê û Êraqê bi rêya destûrê bên çareserkirin.

Biryar Reşîd got: Destûr bingehê bihêzkirina demokrasiyê li her welatekî ye, lewma YNK tekezî li ser cîbicîkirina destûrê li Êraqê dike, da ku hemû pêkhateyên Êraqê li gor destûrê mafên xwe biparêzin.

Got jî YNKê di wê baweriyê de ye ku dema herêmeke me bihêz û pêwendiyên me yên bihêz li gel Bexdayê hebe, hemû hewlên xwe dane bo çareserkirina pirsgirêkên navbera Hewlêr û Bexdadê.

Dema ku hikûmeta nû ya Êraqê hat avakirin, Yekîtiya Niştimanî ya Kurdistanê (YNK) pêşniyarek pêşkêş kir û tê de daxwaz kir ku pirsgirêkên di navbera Hewlêr û Bexdadê de li gorî destûrê bên çareserkirin, ji berk u di wê bawariyê de ye lihevkirina virda û wêda wê temen kurt be , Lê belê eger destûra bingehîn weke pîvana lihevkirinê bê bikaranîn, dê heta demeke dirêj mafên gelê kurd bên parastin. 

PUKMEDIA