Cejna Newrozê ya Silêmaniyê bi serkeftî derbas bû

PUKMEDIA

Jiyanek tendurist

Berdevka Platforma Silêmanî dibêje: Li Silêmaniyê bernameya Cejna Newrozê li gorî plansaziyê pêk hatiye û got: “Li gorî par zêdetir geştyar ji bo Newrozê hatine Silêmaniyê’’.
Berdevkê Platforma Silêmaniyê Hêjan  Hêrîş ji malpera fermî ya Yekîtiya Niştimanî ya Kurdistanê (PUKMEDIA) re ragihand:“Bernameya festîvala Newroza îsal a Silêmaniyê hat cîbicîkirin û serkeftî bû, ji bilî ku ji ber rewşa hewayê şahiya şevê li kolana Salim nehat lidarxistin.
Hêjan Hêrîş got: "Ji ber festîvala mezin a Newroza îsal li Silêmaniyê, li gorî par zêdetir geştyar hatin parêzgehê, di pêşerojê de emê amar û cudahiyên geştyaran li gorî sala borî pêşkêş bikin."
Her wiha got: “Tevî ku roja 17ê vê mehê çalakiyên festîvala Newrozê li Silêmaniyê dest pê kiribûn, lê ev yekem car bû ku di çarçoveya Cejna Newrozê de maratona navdewletî hat lidarxistin û xelatên taybet li ser serketiyan hatin dabeşkirin.”
Ji bo cara yekê di dîroka Silêmaniyê de, serokomar û serokê parlamentoya Êraqê agirê Newrozê vekirin û zêdetir ji 50 balyoz, konsul û dîplomat di Newroza îsal a parêzgeha Silêmaniyê de beşdar bûn.
PUKMEDIA