Encumena wezîran a Êraqê bi parêzgehkirina Helebçeyê re got erê

PUKMEDIA

Êraqê jî ji bo parêzgehkirina Helebçe got erê

Hikumeta navendî ya Êraqê jî rastiya bi parêzgehkirina bajarê Helebçeyê pejirand.
Encûmena wezîran a hikumeta federal ya Êraqê bi fermî di rûniştina xwe ya ne asayî ya îro 13/3/2023 de, proseyênrêvebirinê yên ji bo ku bajarê Helebçe bibe bi parêzgeheka nû li Êraqê bi dawî anî.

Di barê dosyayê bi parêzgehkirina Helebçeyê de, dr. Amanc Rehîm sekreterê encûmena wezîrên hikumeta herêma Kurdistanê ragihand: Hikûmeta federal di rûniştina xwe ya ne asayî de , karên xwe ên derbarê karûbarên federalî yên ji bo ku  bi parêzgehekirina bajarê Helebçeyê wek parêzgeha nû ya 19 li Êraqê hemû fermiyetên wê bi dawî bû ku êdî Helebçe dibe bi parêzgeha 19`mîn a Êraqê.

Parêzgarê Helebçe: Biryar wê bandorê li hemû kertên bajêr bike

Parêzgarê Helebçe Azad Tewfîq di dirêjiya kongireyeke rojnamevanî de ragihand: Em pîrozbayîyên xwe yên germ pêşkêşî xelkên bajêr û xêzanên şehîdan û hemû alîyên evê pêngavê dikin, dê ev biryar bandoreke mezin li dahatan, budceyê û dabeşkirina kursiyên postan di encûmenên parêzgehan û encûmena nûnerên Êraqê de jî bike.

Weha jî dazanîn: Helebçe di aliyê madî, aborî, darayî û exlaqî de, xwedan helwestek mezine û bajar dê tevkariyê li bûyer û çalakiyên parêzgehan bike.

Endamê koma Yekîtiya Niştîmanî ya Kurdistanê li Encûmena Nûneran a Êraqê Çiro Hema Şerîf di daxuyaniyekê de ji malpera fermî ya YNKê (PUKMEDIA) re ragihand: "Me wek nûnerê Helebce di 18/1/2023an de daxwaznameyek pêşkêşî birêz Mihemed Şiyah Sudanî Serokê Hikumeta Federal kir ji bo temamkirina proseyên rêvebirî yên ku ji bo avakirina parêzgeha Helebce yê pêwîst in".

Hêjayî gotinê ye ku di 16 'ê Adara 1988'an de bajarê Helebçe ya şehîd ji aliyê rejîma berê yê be`esî ve, bi çekên kîmyewî hate bombebarankirin û di encamê de bi hezaran jin, kal û zarokên bêguneh şehîd bûn û dîmenên herî bi bi bandor di bîr û wijdanê mirovahiyê de hiştin.

PUKMEDIA