YNK û PDK: Ji bo hilbijartinan emê nêrîna partî û neteweyan werbigirin

Kurdistan 07:15 PM - 2023-03-08

Serokên fraksiyonên YNK û PDKê

Piştî zêdetir ji çar demjimêran ji civîna di navbera Dezgeha Hilbijartinan a Yekîtiya Niştimanî ya Kurdistanê (YNK) û Buroya Hilbijartinê ya Partiya Demokrata Kurdistanê (PDK) de, civîna li ser pirsa helbijartin û kursiyên neteweyan  li Parlamentoya Kurdistanê îro  bidawî hat.
Piştî civînê civîneke çapemeniyê li dar xistin û Serokê Fraksiyona YNKê Ziyad Cebar got."Em her duyan li ser wê yekê razî bûn ku ji bo hilbijartinan qanûnek baş amade bikin ku xizmeta hemû partî,alî û pêkhateyên Herêma Kurdistanê bike."
Cebar got: “Di vê civînê de mijarên ku di civîna berê de vekirî mabûn, bi ciddî hatin gotûbêjkirin û me hewl da ku kêmasî û pirsgirêkan çareser bikin.

Li ser zagona hilbijartinê dê nêrîna neteweyan wardigirin

Serokê Fraksiyona Yekîtiya Niştimanî ya Kurdistanê (YNK) di derbarê kursiyên neteweyan got: “Me biryar daye nêrînên neteweyan  li ser yasaya hilbijartinan werbigirin, helbet di heman demê de emê ligel aliyên din jî li ser yasaya hilbijartinan bicivin û nêrînên wan werbigirin.
Serokê Fraksiyona Partiya Demokrat a Kurdistanê (PDK) Zana Mela Xalid ragihand:“Di mijara hilbijartinan de ti tiştek di navbera YNK û PDK’ê de nemaye û ji nakokiyên me zêdetir xalên me yên hevbeş hene.

Hilbijartinên parlementoyê divê di dema xwe de bê kirin

"Di derbarê aktîvkirina komîsyonê de lihevkirinek baş di navbera her du aliyan de çêbûye û dê mekanîzmayek ji bo vê mijarê were dîtin û mijarên ku di her du civînan de biryar li ser hatine dayîn dê werin cîbicîkirin da ku em hilbijartinên parlamentoyê di dema xwe de pêk bînin." Zana Mela Xalîd got.
Pêştir roja 28-2-2022, Dezgeha Hilbijartinê ya Yekîtiya Niştimanî ya Kurdistanê (YNK) û Buroya Hilbijartinê ya Partiya Demokrata Kurdistanê (PDK) li Hewlêrê ji bo gotûbêjkirina hilbijartinan civiyan.
Ev cara duyeme li ser destpêşxeriya Serok Bafil ,Yekîtiya Niştimanî ya Kurdistanê (YNK) û Partiya Demokrata Kurdistanê (PDK) li ser pirsa hilbijartinan dicivin.
Di civîne yekem de li ser 4 xalan rêkeftin ku ev in ;
Yekem: Divê hilbijartin li çar deveran bên kirin.
Duyem: Nîvê hilbijartinan bi lîsteya vekirî û nîvê din jî lîsteya girtî be.
Sêyem: Hejmara kursiyên navçeyên hilbijartinê li gorî amarên Wezareta Bazirganî ya Êraqê be.
Çarem: Hevahengiya ligel Komîsyona Iraqê ji bo bikaranîna lîsteya dengderên Êraqê.
PUKMEDIA