Rêzgirtina maf û azadiyên mirovan bigirin

PUKMEDIA

Rêwaz Fayeq û Antonio Guterres

Serokê Parlementoya   Kurdistanê Rêwaz Fayeq û Sekreterê Giştî yê Netewên Yekgirtî Antonio Guterres tekezî li ser lidarxistina hilbijartinên dadperwerane li Herêma Kurdistanê û çareserkirina pirsgirêkên navbera Herêma Kurdistanê û Bexdayê kirin.
Roja 2/3/2023 Serokê Parlementoya Kurdistanê Rêwaz Fayeq û Sekreterê Giştî yê Neteweyên Yekbûyî Antonio Guterres li salona Parlamentoya Herêma Kurdistanê civiyan û li ser pirsgirêkên navxweyî yên Herêma Kurdistanê û Êraqê gotûbêj kirin.
Di civînê de  tekezî li ser diyaloga ji bo çareseriyeke bingehîn û rêkeftina di navbera Herêma Kurdistanê û Bexdayê kirin  ku berjewendiyên gelanê Êraqê li ber çavan bigire. 
Di mijareke din de, her du alî li ser girîngiya hilbijartinan, demokrasî û parastina prensîbên bilind gotûbêj kirin û hevdeng bûn ku hilbijartinên azad û dadperwerane yên Parlamentoya li Herêma Kurdistanê bên kirin û bi rêya têgihiştinê û navendên navdewletî li ser astengiyan derbas bibin û roleke mezin di çavdêrîkirina parlamentoyê de bilîzin.
Mijareke din a hevdîtina Serokê Parlamentoyê û Sekreterê Giştî yê Neteweyên Yekbûyî jî rewşa mafên mirovan û berfirehkirina qadên azadiyê bû li Herema Kurdistanê di vê derbarê de ,Sekreterê Giştî yê Netewên Yekgirtî got:’’Nabe rewşa mafên mirovan li Herêma Kurdistanê paşde bê xistin, azadiya giştî neyê sînordarkirin û rêz li prensîbên demokratîk bi tevahî were girtin.
Ji aliyê xwe ve, serokê parlamentoya Kurdistanê got:’’ Parlamentoya Kurdistanê dê rola xwe di vî warî de dilîze, herwiha tekezî li ser parastina mafên mirovan û berçavgirtina raport û têbîniyên navdewletî ji bo pêşveçûna azadiyê li Herema Kurdistanê kir ‘’.
Her wiha Rêwas Fayeq  ji bo xem û têbîniyên di derbarê hilbijartinên navçeyê û mijarên mafên mirovan û azadiyan spasiya Sekreterê Giştî yê Neteweyên Yekbûyî kir.
PUKMEDIA