YNK û PDK li ser çar xalên guhertina yasaya hilbijartinan li hev kirin

PUKMEDIA

Luqman Werdî û Zana Mela Xalid

Piştî destpêşxeriya Serok Bafil, îro Sêşemê 28-2-2 Yekîtiya Niştimanî ya Kurdistanê (YNK) û Partiya Demokrata Kurdistanê (PDK) li ser  hilbijartinên Herêma Kurdistanê li hev kirin.
Piştî civîna  dezgayî  hilbijardinî Yekêtî û Mektebî hilbijardinî Partî,Cîgirê Serokê Fraksiyona Yekîtiya Niştimanî ya Kurdistanê (YNK) li Parlamentoya Kurdistanê Luqman Werdî û Serokê Fraksiyona Partiya Demokrata Kurdistanê (PDK) li Parlamentoya Kurdistanê Zana Mela Xalid civîneke çapemeniyê ya hevbeş li dar xistin.
Luqman Werdî di konferansê de wiha got:  “Piştî destpêşxeriya Serokê YNKê Bafil Celal Talebanî, her çend gelek nakokiyên me yên din hebûn, lê me xwest em bi hev re ji bo sererastkirina yasaya hilbijartinan bicivin.
Ew got:“Li ser gelek xalan, bi taybetî li çar xalan, têgihiştinek hevbeş hebû, ew jî;
Yekem: Divê hilbijartin li çar deveran bên kirin.
Duyem: Nîvê hilbijartinan bi lîsteya vekirî û nîvê din jî lîsteya girtî be.
Sêyem: Hejmara kursiyên navçeyên hilbijartinê li gorî amarên Wezareta Bazirganî ya Êraqê be.
Çarem: Hevahengiya ligel Komîsyona Iraqê ji bo bikaranîna lîsteya dengderên Êraqê.
Got jî: Garantîkirina mafên Neteweyên  xaleke din e ku em li ser li hev dikin, lê nêrînên me yên cuda li ser kursiyên dawî hene.
Cîgirê Serokê Fraksiyona YNKê got: “Ji ber ku ev mijar bi jiyana hemû welatiyên herêmê ve girêdayî ye, biryar hat dayîn ku ji bo civîna bê li gel aliyên din gotûbêj bikin û li hev bikin.

Serokê Fraksiyona Partiya Demokratên Kurdistanê (PDK) li Parlamentoya Kurdistanê Zana Mela Xalid ragihand:“Ji bo hilbijartinên sala 2023’an bê kirin me li hev kir  her wiha ku dirêjkirina parlamentoyê pêştir neçarî bû ,ew mijarên ku me di navbera her du aliyan de li ser li hev nekiribûn, mijara herêmên hilbijartinê, mijara aktîvkirina Komîsyona Hilbijartin û Rapirsiyê ya Herêma Kurdistanê, awayê hilbijartina lîsteyan, ev çend xal bûn ku me berê li ser li hev nedikir,îro me li ser hev kir’’.

“Çend xalên din jî hene ku emê di çend rojên bê de civînan lidar bixin û têbînî û şêwirîn li gel aliyên din ên siyasî yên Herêma Kurdistanê yên ku helwestên xwe hene, her aliyek li Herêma Kurdistanê, werbigirin.” Li ser vê mijarê bi partiyên din re jî bicivin û nêrînên wan bistînin."Wî got.
Berpirsê Lijneya Hevrêzî û Çavdêriya Yekîtiya Niştimaniya Kurdistanê (YNK) Letîf Nêrweyî ji PUKMEDIA re ragihand: "Di civînê de ew mijarên ku berê YNKê derbarê hilbijartinan de tekezî li ser wan kiribûn hatin gotûbêjkirin."
Ew lê zêde kir:“Beriya niha ev civîn li ser biryara Serokê Yekîtiya Niştimanî ya Kurdistanê (YNK) Bafil Celal Talebanî bi amadebûna Mekteba Siyasî  û Dr.Rêwaz Fayeq Serokê Parlamentoya Kurdistanê hat lidarxistin û ev biryara hat dayîn.
PUKMEDIA