Serok Bafil: Divê mamoste neyên paşguh xistin

Nûsîngeha ragihandina serokê YNKê

Serok Bafil

Serokê Yekîtiya Niştimanî ya Kurdistanê (YNK) Bafil Celal Talebanî bi nûnerên bi hezaran mamostayên wanebêj Herêma Kurdistanê re civiya.
Di civînê de nûnerên mamostayên herêmê derbarê kêşeyên xwe, nebûna kar û berçavnegirtina daxwazên wan ji aliyê hikûmet û wezareta perwerdeyê ve raportek pêşkêş kirin û di çend xalan de daxwazên xwe şirove kirin.
Li hember de jî Serok Bafil Celal Talebanî piştî guhdarîkirina pirsgirêk û nerazîbûnên wan, piştgiriya xwe bo daxwazên mamostayan nîşan da û got ku YNK vê babeta girîng berçav digire ji ber ku girêdayî zêdetirî 30 hezar mamostayan e. “Nabe xizmet û hewlên we êdî bên paşguhkirin, ji ber ku ti şanaziyek di paşguhkirin  de nîne ewan  beşeke girîng a civakê ne  ku zarokên me perwerde dikin, xercnekirina darayî her carê di bin sernavekê de nîşana sosret û binpêkirina eşkere ye ya mafê wan.
Di derbarê giringiya perwerde û xwendinê li Herêma Kurdistanê û hewla perwerdekirina nifşekî hişyar û zana jî Serok Bafil got, eger em dixwazin civakeke pêşkeftî ava bikin û nifşekî kêrhatî pêşkêşî civakê bikin, divê guhertinên radîkal di sîstema perwerdeyê de bikin û mamosteyan  rêzdar bin. Ji bo me sektora perwerdeyê ji petrol û gazê gelek girîngtir e, lewra em soz didin we ku em ê xem û pirsgirêkên we hilgirin û hewlên xwe ji bo dabînkirina jiyaneke birûmet berdewam bikin.
PUKMEDIA