Serok Bafil û Nûrî Malikî:Dabînkirina jiyaneke xweş û aram ji bo welatiyan

Ofîsa Rojnamevanî Serokê YNKê

Serok Bafil û Nûrî Malikî

Serokê Yekîtiya Niştimanî ya Kurdistanê (YNK) Bafil Celal Talebanî li Bexdayê ligel Serokê Hevpeymaniya Dewleta Yasa Nûrî Malikî civiya.
Di civînê de ku Xalid Şivanî endamê mekteba siyasî amade bû, rewşa giştî ya welat û tedbîrên vê dawiyê yên hikûmetê ji bo başkirina jiyana xelkê û bihêzkirina jêrxana aborî ya welat hatin gotûbêjkirin.
  Tekez li ser cîbicîkirin û piştgiriya  bernameya hikûmetê ji bo dabînkirina jiyaneke xweş û aram ji welatiyan re bê cudahî hate kirin.
Her wiha di hevdîtinê de her du alî behsa pirsgirêkên  di navbera Herêma Kurdistanê û Bexdayê û berdewamiya gotûbêjan ji bo gihiştina çareseriyeke berfireh û bidawîkirina pirsgirêkan  kirin û her du aliyan tekezî li ser pêwîstiya guftûgo û piştgiriya  hemû hêz û aliyan ji bo gihêştina encamekî erenî û qonaxeke siyasî ya nû da ku her kes bi hev re kar bike da ku welat ber bi aramî û bextewariyê ve bibe.
PUKMEDIA