Serok Bafil: Huner nabe siyasî bikirê

PUKMEDIA

Serok Bafil û Hunermend

Serokê Yekîtiya Niştimanî ya Kurdistanê (YNK) Bafil Celal Talebanî li bajarê Dabaşanê pêşwaziya hunermendên warên şano, resim, sînema û muzîkê kir.
Di civînê de behsa rola huner û bandora wê li ser civakê, rewşa niha ya hunerê li Herêma Kurdistanê û piştgiriya hunermendan hat kirin.
Serok Bafil Celal Talebanî amaje bi rola hunermendan kir ku di dema borî de roleke girîng û bibandor lîstine û karîn bê westan xizmeta çanda Kurdî bikin û dîrokeke geş tomar bikin. Got jî: divê huner di bin destên we de pêşkeftinên berçav bibîne û Herêma Kurdistanê bi taybetî Silêmanî ku wek paytexta çandê tê naskirin, navê xwe nîşan bide. Hûn hunermend dikarin di rênîşandana civakê de  roleke bi bandor bilîzin, divê berhemên we jiyana civakî û siyasî ya herêma me nîşan bidin û mînakên hunera bilind pêşkêşî gelê me û cîhanê bikin.
Derbarê azadiya karê hunerî û destwerdana siyasî de jî Serok Bafil got, nabe huner were siyasetkirin û rê nede ti kes destêwerdanê di karê we de bike. Bi hunera xwe re ku yek ji erkên hunerê ye, rexnegir bin û li dijî neheqî û zulmê têbikoşin.
Di bersivê de hunermendên Kurdistanê amaje bi pirsgirêk û astengiyên di warê hunerî de kirin û mekanîzmayên çareserkirina pirsgirêkên xwe pêşkêş kirin û gotin ku ev civîn girîng in û sedema derbaskirina pirsgirêkan û ber bi nûjeniyê ve diçin.
Her wiha destxweşî li hewl û piştgiriya  Serok Mam Celal û Hêro Xan kir ku di dema borî de alîkariya hunermendan kirine û di bin destên wan de huner li Herêma Kurdistanê pêşkeftineke berçav dîtiye.
Di hevdîtinê de Serok Bafil çend biryarên girîng derbarê rewşa huner û hunermendên Herêma Kurdistanê, pêşkeftin û geşepêdana bizava hunerî û piştgirîkirina hunermendan derxistin û got, emê encûmeneke taybet di hemû warên hunerî de ava bikin û em ê bi hev re gavên mezin bavêjin.
PUKMEDIA