Asayîşa Partî komkirina alîkariyê ji qurbaniyên erdhejê re asteng dikin

PUKMEDIA

Kampîna alîkariyê li Duhokê

Asayîşa Partiya Demokrat a Kurdistanê li Duhokê rê nade ti saziyeke din a xêrxwaziyê ji bo qurbaniyên erdheja li Tirkiye û Sûriyê kampînê bike, 6 çalakvan û rojnamevanên Yekgirtûya Îslamî girtin û rê li çalakiyên wan ên mirovî digire. arlamenterekî wiha got: Çalakiyên li Badînanê ji aliyê Dezgeha Barzanî ve hatiye yekdestdarkirin û rê nayê dayîn ku çalakiyên rêxistinî û mirovî bên kirin.
 
 Asayîşa PDK duh li bajarê Duhokê avêtin ser kampîna ku ji aliyê rêxistinên Hana, Rabîta û Bextewar ku ji bo alîkariya qurbaniyên erdheja li Bakur û Rojavayê Kurdistanê hatibû birêxistin û di encamê de 2 çalakvan û 4 rojnamevanên Sepedah TV hatin girtin û kampîn rawestand.
Endamê Fraksiyona Yekîtiya Niştimanî ya Kurdistanê Îsmaîl Elî Taha ji PUKMEDIA re ragihand, 6 çalakvan û rojnamevanên Yekgirtuya Îslamî li Duhokê hatine girtin.

Îsmaîl Elî wiha got: Çawa ku hikûmetê destwerdan li jiyana xelkê Herêma Kurdistanê û mûçeyên karmendan kiriye, Dezgeha Barzanî jî bi heman awayî kar dike û rê nade ti rêxistineke din bi taybet li devera Badînan kar û çalakiyên xwe bike.
Herwaha got: Yekdestdariya gihandina alîkariyan ji bo tenê rêxistinek li Badînanê bi navê Dezgeha Barzanî neqanûnî ye û rêgirtina li gihandina alîkariyan bo qurbaniyên gelê Kurd li Bakur û Rojavayê Kurdistanê.

Rêveberê Navenda Mîtro: Rêgirî neqanûnî ne
Rêvebirê Navenda Mîtro ya Parastina Mafê Rojnamevanan ew astengkirina asayîşa Partî li Duhokê neqanûnî bi nav kir û got: Êrîşa li ser kempîna Sepedah TV, girtina cihê sivîl li Duhokê nîşan dide. 
Rêveberê Navenda Mîtro ya Parastina Mafên Rojnamegeran Rehman Xerîb wiha got:
Êrîşa li ser kempîna Sepedah TV û girtina rêxistinker û tîmeke rojnamevanî, girtina cîhê sivîl li Duhokê nîşan dide ku desthilatên herêmê bi behaneya aramî û ewlekarî li herêmê pêşde diçin.

 Rawestandina çalakiyên xêrxwaziyê neqanûnî ye
Parlamenterê Kurdistanê Îsmaîl Elî Taha ragihand ku rêxistina Barzanî li Badînan çalakiyên mirovî bi yekdestdarî kiriye û rê nade ti rêxistineke din çalakiyên xwe bike, rêveberê navenda Mîtro amaje bi wê yekê kir ku astengiyên li pêşiya xebata rêxistinan neqanûnî ne û bi karê rêxistinan re nagunce û ya xerabtir jî, piraniya rêxistinên civaka sivîl ên Kurdistanê rexneyan nakin û hewla guhertinê didin.

Xerîb got: Yekgirtûya Îslamî û medyaya wê, yan partî yan girûpeke din a civakî, mafê wan çalakiyan heye di çarçoveya yasayên cîbecî de, sînorkirin neqanûnî ne û bandor û mezinahiya karesata mirovî ya li herêmê divê tedbîrên ku di bingehê xwe de bi azadiya rêxistinbûnê re nagunce rawestîne.”

“Ji ber berjewendiyên xwe yên rêxistinî û rêdan çalakiyên wan, piraniya saziyên civaka sivîl ên Kurdistanê amade ne rexne li wê bikin û hewla guhertinê bidin.
Asayîşa Duhokê bi hincetên curbecur rê li rêxistinên civaka sivîl ên herêmê girt çalakiyên wan sînordar kirin û dest danîn ser karmendên rêxistinan û desteser kirin û hemû rêxistinan xwediyê mulata fermî ya Hikûmeta Herêma Kurdistanê ne.

Roja Duşemê 6-2-2023 danê sibê li gelek bajarên Tirkiye û Sûriyê erdhejek bi pileya 7.4 pêk hat û di encamê de 20 hezar û 665 kes mirin û 80 hezar û 88 kes jî birîndar bûn. Li Sûriyê jî 6 hezar kes jiyan ji dest dane û 56 hezar birîndar bûne .


PUKMEDIA