Doza petrol û Kerkûkê... Pêngavên asayîkirina peywendiyên herêmê û hikûmeta Federal

PUKMEDIA

Doza petrol û Kerkûkê

Serokkomar Dr.Ebdulletîf Cemal Reşîd destnîşan kir ku peywendiyên di navbera hikûmeta federal û Herêma Kurdistanê de baş in û her kes hewl dide ku van peywendiyan bihêztir bike û da zanîn ku hinek mijarên berê hene ku li gor destûr û yasayê kar bo çareserkirina wan tê kirin.

Birêz Serokkomar di hevpeyvîneke taybet de li gel kenala El-Êraqiye ku êvariya roja Înê 10.02.2023 hate weşandin de, bal kişand ser girîngiya derketina kêşeyên heyî yên di warê dahat û hinartina petrolê de heta ku bi rêkeftina di navbera Herêma Kurdistanê û partiyên siyasî bi taybetî di navbera herêmê û hikûmeta federal de werin yasa kirin, tekezî li ser hebûnaceza bo aliyên ku qanûna nû binpê dikin kir.
Derbarê doza Kerkûkê de jî got: Heya niha ti guhertinên radîkal di wê derbarê de çênebûne û hinek mijar jî hatine paşxistin, ji ber ku divê kêşeya Kerkûk û navçeyên nakok di çarçoveya vê madeya 140 de bên çareserkirin  ku heta niha nehatiye cîbicîkirin û pêwendî û rênimayên çareserkirina van pirsgirêkan hene, me amadebûna herêmê û hikûmeta federal û hemahengiya di navbera fireksiyonên siyasî û hevpeymaniya rêveberiya dewletê de dît bo çareserkirina kêşeya Kerkûkê û navçeyên ku madeya 140 li ser hatiye danîn û em geşbîn in ji bo çareseriyan.

PUKMEDIA