Li Cindirêsê nêzî hezar kesan canê xwe ji dest dane

AFP

Karesateke mirovî li Cindirêsê rû daye

Erdheja bi dijwariya 7.8 pile ya ku li bajarê Mereşê yê Bakurê Kurdistanê di 6'ê Sibatê de rû da, bandoreke giran li herêmên Bakur û Rojhilatê Sûriyeyê, gelek bajarên Sûriyeyê û rojhilatê Derya Spî kir.
Li gorî daxuyaniya doh a Wezîrê Tenduristiyê yê hikumeta Şamê Dr. Hesen Mihemed El Xebaş, bîlançoya qurbaniyan bû hezar û 262, ya birîndaran jî bû 2 hezar û 285 kes.
Bîlançoya Wezareta Tenduristiyê tenê herêmên kontrola hikumeta Şamê digirin nava xwe.
HERÊMÊN BAKUR Û ROJHILATÊ SÛRIYEYEYÊ
Li gorî bîlançoya Desteya Tenduristiyê ya Bakur û Rojhilatê Sûriyeyê jî, li Bakur û Rojhilatê Sûriyeyê ji ber erdhejê 6 kesan jiyana xwe ji dest daye, 57 kes jî birîndar bûne.
HERÊMÊN DAGIRKIRÎ
Hat ragihandin ku li herêmên Sûriyeyê yên di bin dagirkeriya dewleta Tirk û çeteyên wê de jî, hezar û 730 kesî jiyana xwe ji dest daye, zêdetirî 2 hezar û 850 kes jî birîndar bûne. Bi sedan malbat hîna di bin enqazan de ne, ji lew re dibe ku bîlnaço girantir bibe.
Encûmena Xwecihî ya Cindirêsê bang dike ku heta niha nêzîkî 90 malbatî di bin kavilên erdhejê de mane û nêzîkî 2700 malbat bê cih war mane.
Li Cindirêsê 115 hezar kes lê dijîn û piraniya wan di bin asta hejariyê de ne, ji encama erdheja rû daye, rewşa mirovî gelekî aloz bûye û piraniya avahî û xaniyên bajêr derz lêketine,hat zanîn nezî hezar  kesan di erdhejê de canê xwe ji dest dane,257 avahî bi temamî hilweşiyane,1100 xanî ziyan dîtine,2692 malbat bê cih û war mane, 515 malbat di kampan de hatine bicihkirin.

Pêdiviya Bajêr bi vekirina rêyan û rakirina kavilan ji bo tîmên rizgarkirinê bi hêsanî tevbigerin heye, her wiha xwarinê û şîrê zarokan ,ava pak ji bo hemû gundan bê dabînkirin, ji bo nexweşî belav nebin,navendeke bijîşkî ya taybet bi vê karesatê û xalên tendirustiyê yên gerok werin avakirin.
PUKMEDIA