Serok Bafil: Yekîtiya Niştimanî li ser axa Kurdistanê tawîz nedaye û nake

PUKMEDIA

Yekîtiya Niştimanî li ser axa Kurdistanê tawîz nedaye û nake

Serokê Yekîtiya Niştimanî ya Kurdistanê Bafil Celal Talebanî bi boneya 19 salvegera murefeaya dîrokî ya Serok Mam Celal li pêşberî Encûmena Serkirdetiya li ser nasnameya bajarê Kerkûkê daxuyaniyek belav kir.
Teksta daxuyaniyê wiha ye:

Îro 19 sal bi ser murefeaya dîrokî ya Serok Mam Celal re derbas dibe ku Kurdistanîbûna Kerkûk û navçeyên debrênrewekan bi belgeyên dîrokî û yasayî îsbat bike.
Têkoşîn û hewlên Serok Mam Celal di dirêjahiya dîrokê de ji bo xatirê Kerkûkê û parastina nasnameya wê, vê rastiyê îsbat dike ku Yekîtiya Niştimanî ya Kurdistanê ti carî tawîz nedaye û Nêrîna me ya domdar û bi cîhbûyî ya Kurdistanîbûna Kerkûkê zelal e, lê me hemahengî û pêkvejiyana di navbera netewe û çandên cuda yên bajêr de ji bîr nekiriye û me ew parast.
Em li ser şopa Serok Mam Celal dimeşin û ji tecrubeyên wî yên dewlemend sûd werdigirin, ji ber vê yekê me di heyama dawîn de ji mala wî ku hemû dengên cuda kom kiribûn, ji bo piştrastkirina aktîvkirina maddeya 140 a Destûra Bingehîn kar kir di bernameya karê hikûmeta nû, û emê hemû hewlên xwe bo cîbicîkirina wê bidin.
Em silav û rêz li qehremantî û berxwedana gelê Kerkûkê yê birûmet dikin û ji wan re dibêjin: Bajarê we Qudsê Kurdistanê bû û dê wisa jî bimîne.

PUKMEDIA