Serok Bafil ji Blaschardt re: Ji bo hilbijartinê qeyda dengdêran paqij bikin

Ofîsa Ragihandinê ya Bafil Celal Talabanî

Serok Bafil ji Blaschardt re: Ji bo hilbijartinê qeyda dengdêran paqij bikin

Serokê Yekîtiya Niştimanî ya Kurdistanê (YNK) Bafil Celal Talebanî li Bexdayê pêşwaziya Nûnera Taybet a Sekreterê Giştî yê Neteweyên Yekbûyî li Êraqê Jenine Plaschardt kir.
Di civînê de pêşhatên dawî yên siyasî, pirsgirêkên navxweyî yên Herêma Kurdistanê û hilbijartin, nakokiyên navbera Hewlêr û Bexdayê hatin gotûbêjkirin û tekez li ser bidawîhatina aloziyan û destpêkirina qonaxeke nû ya siyasî hat kirin.
Pirsa hilbijartinên Herêma Kurdistanê û nêrîna aliyên siyasî li ser wê proseyê yek ji mijarên civînê bû û Serok Bafil got, em û piraniya aliyên siyasî li gel wê yekê ne ku hilbijartinên dadmend di dema xwe de bên encamdan, lê divê zagona hilbijartinê were guhertin, qeyda dengdêran were paqij kirin û pêkhat nûnerên xwe hilbijêrin û wekî kartên zextê neyên bikar anîn. Bicîhanîna van xalan girêdayî lidarxistina hilbijartinên adil di dema xwe da ye.
Di hevdîtinê de Bafil Celal Talebanî tekez li ser piştgiriya  xwe bo hewlên niştimanî yên ji bo serkeftina hikûmeta nû û cîbicîkirina bernameyên wê yên xizmetguzarî û bihêzkirina stûnên dewletbûnê kir.
PUKMEDIA