تونجەر باکرهان: خەونی سەرۆک مام جەلال ئازادی گەلەکەی بوو

PUKMEDIA

تونجەر باکرهان هاوسەرۆکی پارتی یەکسانی و دیموکراسیی گەلان

لە ساڵیادی کۆچی دوایی سەرۆک مام جەلالدا، تونجەر باکرهان هاوسەرۆکی پارتی یەکسانی و دیموکراسیی گەلان(دەم پارتی)، پەیامێکی بڵاوکردەوە و رایگەیاند: بە ڕێزەوە یادی کۆچی دواييی سەرۆک مام جەلال دەکەینەوە، ئەو کەسایەتییەکی مێژوویی بوو لە خەباتی ئازادیی گەلی کورددا.
 
راشیگەیاند: میراتی سیاسی مام جەلال سەلمێنەری ئەوەیە، بوونی گەلی کورد بە ستەم و پێکدادان لەناوناچێت و چارەسەری هەمیشەیی پێویستی بە داننان بە ویستی گەلی کورد و رەخساندنی زەمینە بۆ سیاسەتی دیموکراسی هەیە.
 
تونجەر باکرهان،ئاماژەی بەوەشکرد، خەونی مام جەلال داهاتوویەک بوو تاکەکانی گەلی کورد لە هەر شوێنێک بن، بە شێوەیەکی ئازادانە بە ناسنامە و زمان و ئیرادەی سیاسیی خۆیانەوە بژین، ئێمەش بەڕێزەوە یادی مام جەلال دەکەینەوە و لەسەر ڕێگای خەونەکانی گەشتەکەمان بەرەو ژیانێکی ئازاد بەردەوام دەبێت.
 
PUKMEDIA