فراکسۆنی یەکێتی: پاراستنی سەرو ماڵی هاووڵاتیان لە کەرکوک ئەرکی هەموو لایەکە

PUKMEDIA

لۆگۆی یەکێتیی نیشتمانیی کوردستان

فراکسیۆنی یەکێتیی نیشتمانیی کوردستان لە ئەنجومەنی نوێنەرانی عێراق لەبارەی رووداوە دڵتەزێن و  نەخوازراوەکەی شاری کەرکوک، بەیاننامەیەکی بڵاوکردەوە و رایگەیاند: کەرکوک شاری پێکەوە ژیانی ئاشتییانەی پێکهاتەکانەو ڕۆڵی گرنگی هەبووە لە ڕوبەڕوبوونەوەی تیرۆر، سەقامگیریی و ئاسایشی پارێزگاکە لە ئەولەوییەتی هەموولایەکە بە ڕەچاوکردنی پاراستنی سەرو ماڵی هاووڵاتییان.

دەقی بەیاننامەکە:

وەک فراکسیۆنی یەکێتیی نیشتمانیی لە ئەنجومەنی نوێنەران وێڕای پرسەو سەرەخۆشیی لە خێزان و کەسوکاری شەهیدانی ڕووداوە نەخوازراوەکەی پردێ، بەوردیی چاودێریی دۆسیەکە دەکەین و هەموو ڕێکارێکی یاسایی و پەرلەمانیی دەگرینەبەر بۆ لێپرسینەوە لە لایەنی کەمتەرخەم و پاراستنی مافی خێزان و کەسوکاری شەهیدان.

کەرکوک شاری پێکەوە ژیانی ئاشتییانەی پێکهاتەکانەو ڕۆڵی گرنگی هەبووە لە ڕوبەڕوبوونەوەی تیرۆر، سەقامگیریی و ئاسایشی پارێزگاکە لە ئەولەوییەتی هەموولایەکە بە ڕەچاوکردنی پاراستنی سەرو ماڵی هاووڵاتییان.

وەک فراکسیۆنی یەکێتی، داوامان لە بەڕێز عەلی زەیدی سەرۆکوەزیرانی عێراق کردووە کە بە زووترین کات لیژنەی لێکۆڵینەوە پێکبهێنێت و لایەنی کەمتەرخەم لە کوژرانی ئەو دوو مێرمنداڵە بدرێتە دادگاو سزای یاسایی بدرێت.

هاوکات، عەلی زەیدی سەرۆکوەزیرانی عیراق، هەر زوو بەدەم داواکاری یەکێتیی نیشتمانیی کوردستانەوە هات و بڕیاریدا بە پێکهێنانی لیژنەیەکی لێکۆڵینەوە لەڕووداوەکە، هەروەها رێبوار تەها جێگری یەکەمی پارێزگاری کەرکوک رایگەیاند: بە فەرمانی نووسینگەی سەرۆک وەزیرانی عیراق لیژنەکە پێکهێنراوە بۆ بەدواداچوون لەو رووداوەی بووە هۆی گیانلەدەستدانی دوو گەنجی کورد لە پردێ. 

PUKMEDIA