وەفدێکی باڵای میسر تاجە گوڵینە لەسەر مەزاری سەرۆک مام جەلال دادەنێن

مەکتەبی سکرتارییەتی سەرۆک مام جەلال

وەفدێکی باڵای میسر لەسەر مەزاری سەرۆک مام جەلال

ئەمڕۆ 27ی9ی2026 ، وەفدێکی باڵای وڵاتی میسر بە یاوەری فەرید ئەسەسەرد رووناکبیر و سیاسەتمەدار ، دکتۆر یاسین رەووف رەسوڵ نوێنەری یەکێتیی نیشتمانیی کوردستان لە وڵاتی میسر ، سەردانی مەزاری سەرۆک مام جەلال یانکردوو لە لایەن مەکتەبی سکرتارییەتی سەرۆک مام جەلال ـە بە گەرمی پێشوازیکران .

دوایی دانانی تاجە گوڵینەی رێز و وەفاداری، وەفدی میوان بە رێزەوە لە دەفتەری یادەوەرییەکاندا مێژووی خەبات و تێکۆشان و سەرکردایەتی سەرۆک مام جەلال یان خستەڕوو وەک سەرکردەیەکی گەورەی گەلی کورد کە رۆڵی گەورەی گێڕاوە بە ئاڕاستەی ئاشتی و دۆستایەتی زیاتر نزیک بوونەوەی هەردوو گەلی کورد و میسری برا.

لای خۆیانەوە مەکتەبی سکرتارییەتی سەرۆک مام جەلال سوپاسی سەردان و وەفاداری وەفدی میوانیان کردوو جەختیان لە هەڵوێستە گرنگەکانی سەرۆک و رابەر جەنابی مام جەلال کردەوە لەگەڵ گەلی میسری دۆست کە هیچ کات هەنگاوەکانی سەرۆک مام جەلال بێ حیکمەت و خوێندنەوەی قوڵ نەبووە بۆ ژیان و سیاسەتکردن.

PUKMEDIA