مەکتەبی سکرتارییەت تێکۆشەرێکی دێرین بەسەردەکاتەوە

راگەیاندنى مەکتەبی سکرتارییەتی سەرۆک مام جەلال

وێنەیەکى سەردانەکە

ئەمڕۆ 24ى ئەیلولى 2026، مەکتەبی سکرتارییەتی سەرۆک مام جەلال لە گوندی بەرقەڵای سەر بەناحییەی بەرزنجە سەردانی هەڤاڵ جەبار ساڵح حەمە ناسراو بە ( مام هەژار ) یانکرد.

لەو سەردانەدا ، مەکتەبی سکرتارییەتی سەرۆک مام جەلال بە گرنگییەوە لە هەواڵ و بارودۆخی تەندروستی مام هەژار یان پرسییەوە و هیوای سەلامەتی زیاتریان بۆ خواست .

مەکتەبی سکرتاییەت بەڕێزەوە خەبات و تێکۆشانی هەڤاڵ مام هەژار یان هێنایەوە بەر باس وەک “پێشمەرگەیەکی بە ورە و دانەبڕاوی رۆژگاری سەختی خەباتی شاخ، کە هەر لە تافی لاوێتیەوە بە گڕوتینێکی بەرزی کوردایەتی چەکی شەرەف و بەرگری لە شان ناوە و سەنگەرەکانی پێشمەرگایەتی کردە مەڵبەندی داوا رەواکانی گەلەکەی “، لە بەرامبەر رابردووی پاک و مێژووی درەوشاوەیدا مەکتەبی سکرتارییەت “سڵاوی ئەمەک و وەفاداری سەرۆک بافڵ و هەڤاڵ قوباد تاڵەبانیان ئاڕاستەکردوو” رێزیان لەو مێژووە گەشەی نا.

لە بەرامبەردا ، هەڤاڵی تێکۆشەر مام هەژار سوپاسی بەسەرکردنەوەکەی کردوو “جەختی کردەوە خەبات و تێکۆشانمان بە ئەرک زانیووە بۆ خاک و نیشتمان ، ئێستاش بە هەمان گڕوتینی رابردوو لە هەر شوێنێک پێویستیەک هەبێت ئاڵا هەڵگری گەلەکەمەمان و یەکێتی دەبم “.

PUKMEDIA