مەراسیمی ناساندنی کتێبی یەکێتیی نیشتمانیی کوردستان تاراوگە 1975–2005 بەڕێوەچوو

بۆردی هۆشیاری

کتێبی یەکێتیی نیشتمانیی کوردستان تاراوگە 1975–2005

پێش نیوەرۆی ئەمرۆ 23ی9ی2026 لەهۆڵی شەهید ئاشتی و بەئامادەبونی ژمارەیەک لەهەڤاڵانی سەرکردایەتی ولێپرسراوی بۆردەکان و ئەندامانی بۆردەکان وکادر کارمەندانی ئۆرگانە جیاجیاکان ونوێنەری مەڵبەندی سلێمانی،بۆردی هۆشیاری - مەکتەبی ڕاگەیاندن و هۆشیاری و بۆردی ناوەندی دەرەوە بە هەماهەنگی میدیای نوێی مەکتەبی کاروباری ڕێکخراوەیی کۆڕی ناساندن و دابەشکردنی کتێبی (یەکێتیی نیشتمانیی کوردستان تاراوگە 1975 - 2005) لە نوسینی (د. نەوزاد عەلی ئەحمەد) بەڕێوەچوو.

 لەو مەراسیمەدا، پاش بەخێرهاتن و چەند ساتێک وەستان بۆگیانی پاکی شەهیدان، رێبوار ستار لەوتەیەکدا باسی لەکاری رێکخراوەی وپێکەوەی نێوان ئۆرگانەکان کردو پاشان بەهێزحسین، خوێندنەوەیەکی بۆکتێبەکە کرد، دواتریش سالار محمود لێپرسراوی بۆردی ناوەندی دەرەوە باسی لەگرنگی وکاریگەری لەتاراوگەکرد و تیشکی خستە سەرکارەکانی ناوەندی دەرەوە و رۆڵ وکاریگەریەکانی.

هەر لە مەراسیمەکەدا، دکتۆر نەوزاد عەلی ئەحمەد لە ڤیدیۆیەکدا باسی لەناوەرۆکی کتێبەکەی کرد و باسی لە مێژووی یەکێتی کرد لەتاراوگە.

لە کۆتایشدا، سوپاسنامەی ناوەندی دەرەوە لەلایەن رەهبەری سید ئیبراهیمەوە پێشکەش بەدکتۆر نەوزاد عەلی ئەحمەد کرا و کتێبەکەش پێشکەش بە ئامادەبووان کرا.

PUKMEDIA