سڵاوی سەرۆک بافڵ و قوباد تاڵەبانى ئاڕاستەی پێشمەرگەی دێرین عەزیز محەمەد کرا

راگەیاندنى مەکتەبی سکرتارییەتی سەرۆک مام جەلال

وێنەیەکى دیدارەکە

وەک بەشێک لە پەرۆشیی بەردەوام بۆ بەسەرکردنەوەی خاوەن مێژووە پرشنگدارەکان، مەکتەبی سکرتارییەتی سەرۆک مام جەلال لە گەرمیان چاوی بە پێشمەرگەی دێرین و تێکۆشەری ڕۆژە سەختەکان (عەزیز محەمەد عەلی) کەوت و سەرەڕای پرسیینەوەی تەندروستی، سڵاوی یەکێتییانەی سەرۆک بافڵ و هەڤاڵ قوباد تاڵەبانییان پێگەیاند.

لە درێژەی سەردان و بەسەرکردنەوەکانی هەڤاڵانی گەرمیان مەکتەبی سکرتارییەتی سەرۆک مام جەلال لە ناحییەی رزگاری سەردانی هەڤاڵی تێکۆشەر و پێشمەرگەی دێرین ( عەزیز محەمەد عەلی ) یانکرد.

لەو سەردانەدا، مەکتەبی سکرتارییەتی سەرۆک مام جەلال لە نزیکەوە لە بارودۆخی تەندروستی هەڤاڵ عەزیز-یان پرسییەوە و هیوای تەندروستی باشتریان بۆ خواست .
مەکتەبی سکرتارییەتی سەرۆک مام جەلال پێزانینیان دەربڕی بۆ خەبات و تێکۆشانی هەڤاڵ عەزیز محەمەد وەک پێشمەرگەیەکی رۆژە سەختەکانی خەباتی کوردایەتی کە لە سەنگەرەکانی خەباتدا ئازایانە تێدەکۆشا بۆ مافی رەوای گەلەکەی، لە بەرامبەر ئەو رابردووە زێڕینەشدا سڵاوی یەکێتییانەی سەرۆک بافڵ و هەڤاڵ قوباد تاڵەبانیان ئاڕاستەکرد .

لایخۆیەوە هەڤاڵ عەزیز محەمەد سوپاسی بەسەرکردنەوەکەی کرد و بە شانازییەوە لە رابردووی زێڕینی خۆی دوا و خۆشحاڵی خۆی دەربڕی کە یەکێتی ئێستا بە هێز و گڕوتینێکی نوێوە خەبات دەکات بۆ خزمەتکردنی کۆمەڵانی خەڵکی کوردستان .

PUKMEDIA