شاڵاو كۆسره‌ت ره‌سوڵ: هیچ واده‌یه‌ك بۆ كۆبوونه‌وه‌ی یه‌كێتی و پارتی دیارینه‌كراوه‌

PUKMEDIA

شاڵاو کۆسرەت رەسوڵ

ئەندامێکی مەکتەبی سیاسی یەکێتی رایدەگەیەنێت: سەرۆک بافڵ سەردانێکی سەرکەوتووی بۆ ئێران کرد، دەشڵێت: هیچ وادەیەک بۆ کۆبوونەوەی نێوان یەکێتی و پارتی دیارینەکراوە.

شاڵاو کۆسرەت رەسوڵ ئەندامی مەکتەبی سیاسی یەکێتیی نیشتمانیی کوردستان، لەلێدوانێکیدا بۆ کەناڵەکانی راگەیاندن، رایگەیاند: سەرۆک بافڵ سەردانێکی سەرکەوتووی بۆ ئێران کرد و لەسەردانەکەشیدا بارودۆخی ناوچەکە بەگشتی و هەرێمی کوردستان و عیراق بەتایبەتی باسێکی گرنگی کۆبوونەکانی بوون.

لەبارەی کۆبوونەوەی نێوان یەکێتی و پارتیش رایگەیاند:هیچ وادەیەک بۆ کۆبوونەوەی نێوان یەکێتی و پارتی دیارینەکراوە و دەرگای گفتووگۆمان کراوەیە و لەگەڵ پارتی بەردەوامین، بەڵام نەگەیشتووینەتە هیچ رێککەتنێک لەبارەی پێکهێنانی حکومەت.

شاڵاو کۆسرەت رەسوڵ ئاماژەی بەوەشکرد، هاوپەیمانێتییەکەمان لەگەڵ نەوەی نوێ بەردەوامە و وەک خۆیەتی، رێککەوتنەکەشمان زۆر بابەتی تێدایە تەنها پرسی بەشداریکردن لە حکومەت نییە.

ئه‌مه‌ش له‌كاتێكدایه‌، رۆژی 20ـی 10ی 2024 هەڵبژاردنی شەشەمین خولی پەرلەمانی كوردستان لە بازنەكانی هەولێر، سلێمانی، دهۆك و هەڵەبجە بەڕێوەچوو، تا ئێستاش حکومەتی نوێی هەرێم پێکنەهێنراوە، یەکێتیی نیشتمانیی کوردستان  هه‌وڵه‌كانی بۆ پته‌وكردنی هاوبه‌شی راسته‌قینه‌ و رێگریكردن له‌ تاكڕ‌ه‌وی له‌عیراق و هه‌رێم چڕ‌كردووه‌ته‌وه‌، به‌جۆرێك پرسی هاوبه‌شی راسته‌قینه‌ له‌ڕ‌وانگه‌ی یه‌كێتییه‌وه‌ ته‌نها خۆی له‌به‌شداریكردن له‌حكومه‌ت و دابه‌شكردنی پۆستدا نابینێته‌وه‌، به‌ڵكو خۆی له‌بڕ‌یاره‌ چاره‌نوسسازه‌كان و رۆڵبینین له‌نه‌خشه‌ی سیاسی و حوكمڕ‌انی وڵاتدا ده‌بینێته‌وه‌، كه‌ لای یه‌كێتی پرسی مووچه‌ له‌ئه‌وله‌ویه‌تی كاره‌كاندایه‌.

PUKMEDIA