ڕێباز بێركۆتی بەشداری بەخاکسپاردنی کەمال شاکر سکرتێری پێشووتری حزبی شیوعی کوردستان دەکات

تایبەت

وێنەیەکى کاتى مەراسیمى بەخاکسپاردنەکە

بە نوێنەرایەتیی بافڵ جەلال تاڵەبانی سەرۆکی یەکێتیی نیشتمانیی کوردستان، ڕێباز بیرکۆتی لێپرسراوی مەڵبەندی سێى هەولێر بەشداریی لە مەراسیمی بەخاکسپاردنی تەرمی دکتۆر کەمال شاکر سکرتێری پێشووتری حزبی شیوعی کوردستان کرد و ڕایگەیاند: یەکێتی بە ڕێزەوە دەڕوانێتە مێژووی پڕ لە خەباتی ئەو تێکۆشەرە دێرینە.

ڕێباز بێركۆتی ئەندامی سەركردایەتی و لێپرسراوی مەڵبەندی سێی هەولێری یەكێتیی نیشتیمانیی كوردستان ڕایگەیاند: ئەمڕۆ 18ى9ى2026 بەشداریمان كرد لە مەراسیمی بەخاكسپاردنی تەرمی تێکۆشەری دێرین و سکرتێری پێشووتری حزبی شیوعی کوردستان دكتۆر کەمال شاکر .

ئاماژەى بە ئەوەشدا: بەناوی سەرۆك بافڵ جەلال تاڵەبانی سەرۆكی یەكێتیی نیشتمانیی كوردستان وتەیەكمان پێشكەش كرد و پرسە و سەرەخۆشیمان ئاڕاستەی هاوخەبات و هاوڕێیان كرد و ڕامانگەیاند یەكێتیی نیشتمانیی كوردستان بەڕێزەوە لە ڕۆڵ و مێژووی دكتۆر كەمال شاكر دەڕوانێت لە خەبات و بزووتنەوەی ڕزگاریخوازیی کوردایەتى و ڕۆحی دكتۆر کەمال بۆ هەمیشە شاد بێت، هیوای سەبووری و ئارامیمان بۆ هەموو لایەک خواست.


PUKMEDIA