ترەمپ هەڕەشەی هێرشکردن دەکات و پزیشکییانیش سوورە لەسەر هەڵوێستەکانی

PUKMEDIA

پزیشکییان و ترەمپ

سەرۆکی ئەمریکا جووڵەی فڕۆکە جەنگییەکانی (B-2)ی بەرەو ناوچەی کەنداو دەستپێکردووە و ڕایگەیاند:کە چیدی کات بۆ دانوستان نەماوە و ئەمڕۆ هێرشەکانمان دەستپێدەکەین، لەبەرامبەریشدا سەرۆککۆماری ئێران ڕایگەیاند: کە هەڕەشەکانی دۆناڵد ترەمپ بۆ لێدانی ژێرخانی ئابووری وڵاتەکەی، نیشانەی شکستی واشنتۆنە لە بەردەم ئیرادەی گەلی ئێراندا، نەک بەهێزی.

دۆناڵد ترەمپ سەرۆکی ئەمریکا دەسپێکردنەوەی جەنگی دژی ئێرانی ڕاگەیاند و وتی: ئەمڕۆ بەتوندی هێرش دەکەمە سەر ئێران و هێرشەکەش پردەکان و ژێرخانەکان دەکاتە ئامانج، ئاماژەی بەوەش کرد، کە هیچ بوارێک بۆ دانوستانی تر نەماوە مەگەر ئەوەی ئێران رێککەوتنەکە ئیمزا بکات.

وتیشی: ئێرانییەکان کاتدەکوژن و گاڵتە بە عەقڵی ئەو دەکەن، لە هەمانکاتیشدا، جووڵەی فڕۆکە جەنگییەکانی (B-2)ی ئەمریکا بەرەو ناوچەی کەنداو لەگەڵ فڕۆکەکانی تانکەری سووتەمەنی (بۆ سووتەمەنی پێدان لە ئاسمان) بینراوە.

لەبەرامبەریشدا ئێرانییەکان هێشتا لەسەر هەڵوێستی خۆیان سوورن و تەنانەت مەسعوود پزیشکیان سەرۆکۆماری ئێران لەوەڵامی هەڕەشەکانی ترەمپ-دا وتی: هێرشکردنە سەر ژێرخانی ئابووری و پێداویستیەکانی ژیانی خەڵک، بەڵگەی دۆڕاوییە لە بەردەم ئیرادەی گەلەکەمانداو نیشانەی بەهێزی نییە.

PUKMEDIA