لەڕووداوەكەی باكوری كوردستاندا مامۆستایەك و هەشت خوێندكار گیانیان لەدەستدا

ensonhaber

وێنەی رووداوەكە

لەپارێزگای مەڕەشی باكوری كوردستان، هێرشكرایە سەر خوێندنگەیەك و بەهۆیەوە مامۆستایەك و هەشت خوێندكار گیانیان لەدەستداو زیاتر لە 13 كەسیش بریندارن.

موكەڕەم ئونلوئەر، پارێزگاری مەڕەش رایگەیاند: ئەمڕۆ چوارشەممە، 15ی 4ی 2026، لەلایەن كەسێكی نەناسراوەوە، هێرشكرایە سەر دوو پۆلی خوێندنگەی ئایسەر چاڵك لەمەڕەشی باكوری كوردستان و  بەهۆیەوە مامۆستایەك و هەشت خوێندكار گیانیان لەدەستدا.

راشیگەیاند: هەر لەڕووداوەكەدا زیاتر لە 13 كەس بریندار بوون و هێرشكارەكەش كۆتایی بەژیانی خۆی هێناوە، هاوكات لێكۆڵینەوە لەڕووداوەكە دەستیپێكردووە.

جێی ئاماژەیە، دوێنێش لەپارێزگای رووهای باكووری كوردستان گەنجێك هێرشی كردە سەر خوێندنگەیەكی ئامادەیی پیشەیی و 16 مامۆستاو خوێندكاری بریندار كرد.

PUKMEDIA