کیمیابارانی هەڵەبجە دەخرێتە ناو پرۆگرامی خوێندنی سوید

PUKMEDIA

د. فەریدون مورادی

کارەساتی کیمیابارانی هەڵەبجە بە رەسمی دەخرێتە ناو پڕۆگرامى خوێندنی خوێندکارانی قۆناغی سەرەتایی لە وڵاتی سوید و بە هەوڵ و ماندووبوونی بێوچانی د. فەریدون مورادی، توێژەر و شارەزای چەکە کیمیاییەکان لە زانکۆی گۆتنبۆرگی وڵاتی سوید ئەنجامدراوە.

لە دەقێکی زانستیی نوێدا کە بۆ خوێندکارانی سەرەتایی پۆلەکانی 4 تا 6 لە سوید ئامادە کراوە، باسی کارەساتی کیمیابارانى هەڵەبجە دەکرێت، ئەو رووداوەی کە لە ساڵی 1988 دا زیاتر لە پێنج هەزار کەسی بێتاوانی شەهید کرد و هەزاران کەسی دیکەشى بریندارکرد.

ئەم دەقە بە زمانێکی گونجاو بۆ منداڵان ئامادەکراوە و هەوڵدەدات خوێندکاران ئاشناى گرنگی زانست بکات، بە تایبەتی زانستى کیمیا و ئاگاداریان بکات لە مەترسییەکانی بەکارهێنانی چەکە کیمیاییەکان.

ئەمەش لە کاتێکدایە، بۆ یەکەمین جارە کارەساتى کیمیابارانى هەڵەبجە بە شێوەیەکی رەسمی دەچێتە ناو پرۆگرامى خوێندن و بە هەوڵ و ماندووبوونی بێوچانی د. فەریدون مورادی، توێژەر و شارەزای چەکە کیمیاییەکان لە زانکۆی گۆتنبۆرگی وڵاتی سوید، ئەم کارەساتەى کوردستان بە رەسمی دەخرێتە ناو پڕۆگرامى خوێندن لە وڵاتی سوید، ئەم هەنگاوە وەک دەستکەوتێکی مێژوویی و نێودەوڵەتی دادەنرێت بۆ ناساندنی جینۆسایدی گەلی کورد.

PUKMEDIA