د. یوسف گۆران: شەهیدانی هەڵەبجەو كوردستان جێی شانازیمانن

PUKMEDIA

د. یوسف گۆران، ئەندامی مەكتەبی سیاسی و لێپرسراوی مەڵبەندی دیراساتی یەكێتی

د. یوسف گۆران، ئەندامی مەكتەبی سیاسی و لێپرسراوی مەڵبەندی دیراساتی یەكێتی، لەیادی كارەساتباری هەڵەبجەدا، پەیامێكی بڵاوكردەوەو رایگەیاند: كارەساتی هەڵەبجە بیرەوەرییەكی خەمناك و پەژارەیەكی نەتەوەییە كەهەرگیز لەهزری گەلەكەمان و بزوتنەوەی كوردایەتی و مرۆڤایەتی بە ویژدان دەرناچێت و زامێكی ساڕێژ نەبووە.

دەقی پەیامەكە:

لە ساڵیادی تاوانی كیمیابارانی هەڵەبجەدا سەری رێز دادەنەوێنین بۆ پێنج هەزار پەپولەی بێ گوناهی گەلەكەمان كە لە 16ی ئاداری 1988 لەلایەن رژێمی بەعسەوە كیمیاباران كران و شەهیدبوون.

كارەساتی هەڵەبجە بیرەوەرییەكی خەمناك و پەژارەیەكی نەتەوەییە كەهەرگیز لە هزری گەلەكەمان و بزوتنەوەی كوردایەتی و مرۆڤایەتی بە ویژدان دەرناچێت و زامێكی سارێژ نەبووە تا ئەو رۆژەی هەڵەبجە و تەواوی كوردستان دەگات بە دوا قۆناغی رزگاری و ئارامی و ئاوەدانی و قەرەبووی لانی كەمی زوڵم و ستەمی رژێمی بەعس وەردەگیرێتەوە.

شەهیدانی هەڵەبجە و هەموو شەهیدانی كوردستان  جێگەی شانازی نەتەوەكەمانن. لەم ساتەدا بە سەربەرزییەوە لەگەڵ هەڵەبجە و هەڵەبجەییەكان دەوەستین و پێكەوە هەنگاو دەنێین بۆ داهاتوویەكی گەشتر و برایەتی زیاتر لەنێوان گەلەكەماندا. 

نەمری بۆ شەهیدانی هەڵەبجە و قوربانیانی جینۆسایدی گەلەكەمان لەسەرتاسەری كوردستاندا.

د. یوسف گۆران
ئەندامی مەكتەبی سیاسی و لێپرسراوی مەڵبەندی دیراساتی یەكێتیی نیشتمانیی كوردستان

PUKMEDIA