کێشەى بلۆککراوانى فۆڕمى ئەلکترۆنى خۆراک چارەسەردەکرێت

PUKMEDIA

فۆڕمی ئەلکترۆنی خۆراک

قائیمقامیەتی قەزای رانیە رایگەیاند: ئاگاداری ئەو هاووڵاتییانە دەكەین كە لە سیستەمی ئەلكترۆنی خۆراك بلۆككراون، بە مەبەستى چارەسەرى کێشەکەیان سەردانی بەشی خۆراك بكەن.

قائیمقامیەتی قەزای رانیە لە راگەیەندراوێكدا رایگەیاند: ئاگاداری ئەو هاووڵاتییانە دەكەین كە بەهۆی نەبوونی (كارتی نیشتمانی، بلۆككردنی گەشتیاری و گەڕاونەتەوە كوردستان)  لە سیستەمی ئەلكترۆنی خۆراك بلۆككراون، بە مەبەستى چارەسەرى کێشەکەیان سەردانی بەشی خۆراك بكەن.

ئاماژەبەوەشدراوە: ئەو هاووڵاتییانەی دەكەونەوە سنورەكەیانەوە و ژمارەی فۆڕمەكانیان (287 و 292)ە، سەردان بکەن.

هەر لە راگەیەنراوەکەدا هاتووە: داوا لەو هاووڵاتییانەش دەكرێت كە لەگەڵ خۆیاندا ئەم پێدوایستیانە ببەن:

-ئەو مۆبایلەی فۆڕمەکەى پێ پڕکراوەتەوە.
-كارتی نیشتمانی ئەو هاووڵاتییەی مامەڵەكەی بۆ ئەنجام دەدرێت.
-كارتی زانیاری سەرۆكی خێزان.
-فۆڕمی خۆراك.

ئەمەش لەکاتێکدایە، رۆژی 3ی حوزەیرانى 2025، پڕۆسەی بە ئەلکترۆنیکردنی فۆرمی خۆراکی هاووڵاتیان لە هەرێمی کوردستان دەستیپێکردووە.

PUKMEDIA