عیراق هاوردەكردنی نەوت رادەگرێت

al-ain

ئاڵای عیراق، بەرهەمهێنانی نەوت

محەمەد شیاع سودانی، سەرۆكوەزیرانی عیراق، بڕیاریدا هاوردەكردنی بەنزین و غاز و نەوتی سپی رابگیرێت.

بەپێی نووسراوێكی نووسینگەی سەرۆكوەزیرانی عیراق كە رێكەوتی ئەمڕۆ 4ی 11ی 2025 ی لەسەرە و ئاڕاستەی وەزارەتی نەوتی عیراق كراوە، راگەیەندراوە: پاش بەدەستهێنانی ئاستی تەواوی خۆژێنی لە عیراق و بەدەستهێنانی جۆرەكانی سووتەمەنی و پڕكردنەوەی پێداویستییەكانی ناوخۆ لە بەرهەمە نەوتییەكان، عیراق هاوردەكردنی بەنزین و غاز و نەوتی سپی رادەگرێت.

ئەمەش لەكاتێكدایە، عیراق سەرەڕای ئەوەی وڵاتێكی نەوتییە، بەڵام پشتی بە هاوردەكردن دەبەست بۆ دابینكردنی پێداویستییە سەرەكییەكانی، بەڵام ئێستا عیراق جۆرەكانی سووتەمەنی بەرهەمدەهێنێت و پێداویستییەكانی خۆی پێدابین دەكات و هاوردەكردن رادەگرێت.

PUKMEDIA

دەقی بڕیارەكە: