پارێزگاری كەركوك كێشەی كارەبای چەند گەڕەكێك چارەسەر دەكات

راگەیاندنی پارێزگاری كەركوك

پارێزگاری كەركوك وێستگەی كارەبای گورگەچاڵی 33/11 kv دەكاتەوە

رێبوار تەها پارێزگاری كەركوك، بەكردنەوەی وێستگەی كارەبای گورگەچاڵ، كێشەی كارەبای شۆراو، گورگەچاڵ، سێكانیان، حەسار، دارەمان و سەقزلی و بەشێك لە شوان-ی چارەسەر كرد.

ئەمڕۆ 4ی 11ی 2025، رێبوار تەها پارێزگاری كەركوك، وێستگەی كارەبای گورگەچاڵی 33/11 kv كردەوە و بە كردنەوەی وێستگەكەش كێشەی كارەبا لە گەڕەكەكانی شۆراو، گورگەچاڵ، سێكانیان، حەسار، دارەمان، سەقزلی و بەشێك لە شوان چارەسەردەبێت.

پرۆژە خمەتگوزارییەکانی  ڕێبوار تەها پارێزگاری کەرکوک بۆ شارەکە بەردەوامە، لەوچوارچێوەیەشدا هەر ئەمڕۆ بەردی بناغەی بینای پزیشکی دادی لە کەرکوک دانا، کە دەکەوێتە نزیک نەخۆشخانەی مۆدێرن و سەنتەری شێرپەنجە لە شارەکە.

هاوکات پرۆژەکە لە چەند نهۆمێک پێکدێت لە نەخۆشخانەی ژنان و منداڵان و بینای پزیشکی دادوەری لەخۆدەگرێت.


PUKMEDIA