لەسەر داوای پەرلەمانتارێكی یەكێتی بەڕێوەبەری نفوسی خانەقین لادرا

PUKMEDIA

خانەقین

لەسەر داوای پەرلەمانتارێكی یەكێتی لە ئەنجومەنی نوێنەرانی عیراق، وەزیری ناوخۆی عیراق بڕیاریدا بە لادانی بەڕێوەبەری نفوسی خانەقین و گواستنەوەی راژەكەی بۆ بەغدا.

كاروان یاروەیس بڕیاردەری فراكسیۆنی یەكێتی لە ئەنجومەنی نوێنەرانی عیراق، بە وێبسایتی رەسمی یەكێتیی نیشتمانیی كوردستان PUKMEDIA ی راگەیاند: دوابەدوای هەوڵەكانمان لەسەردانی كردنی خانەقین و ناردنی نوسراوی رەسمی بۆ وەزیری ناوخۆی عیراق و دەستەی نەزاهەی فیدراڵی لەبارەی بوونی گەندەڵی و بەرتیلخواردن لە فەرمانگەی نفوسی خانەقین، عەبدلئەمیر شەممەری وەزیری ناوخۆ بڕیاریدا بەلابردنی بەڕێوەبەری نفوسی خانەقین و گواستنەوەی راژەكەی بۆ بەغدا.

راشیگەیاند: پەیوەندییمان بە بەڕێوەبەری گشتی نفوسی دیالەوە كرد، جەختمان كردەوە، كە پێویستە بەڕێوەبەری نوێ بنەبڕی بەرتیل و گەندەڵی بكات و هاوسەنگی رابگرێ لە خانەقین كە ناوچەیەكی هەستیارە.

كاروان یاروەیس وتيشی: ئەم هەوڵەمان دوابەدوای ئەوەهات رۆژانە هاووڵاتیان پەیوەندییان پێوە دەكردین، كە داوای بەرتیل و پارەیان لێدەكرێت.

PUKMEDIA