لیژنه‌ی خه‌مڵاندنی زیانه‌كانی ئاگره‌كه‌ی هه‌ڵه‌بجه‌ ئاماره‌كان راده‌گه‌یه‌نێت

ئەرشیفی PUKMEDIA

دیمەنی ئاگرەکە

لیژنەی روپێوی بۆ زیانەكانی ئاگرەكەی هەڵەبجە، رێژە و قەبارەی زیانەكانی ئاگرەكەی راگەیاند و بەپێی راپۆرتی كۆتایی لیژنەكەش، زیاتر لە شەش هەزار دۆنم لە دارستان و پاوانی سروشتی سووتاون، جگە لە سووتانی 36 دۆنم باخ لە گوندەكانی مۆردین و چناری كۆكۆیی و نەیجەڵە.

رۆژی 20ی 8ی 2025، بەڕێوەبەرایەتی گشتی كشتوكاڵی هەڵەبجە، لیژنەیەكی لە  بەڕێوەبەرایەتی دارستان و پاوان و بەڕێوەبەرایەتی باخداری و بەشی زەوی و زار بۆ روپێوی كردنی زیانەكانی ئەو ئاگرە پێكهێنا كە رۆژی 17 تا 19ی 8ی 2025، لە سنووری گوندەكانی مۆردین، چنار، نەیجەڵە، پێگە، لمە و سازان بەردەوام بوو، كەبووە هۆی سووتاندنی رووبەرێكی بەرفراوان لە دارستان و پاوان و باخی هاووڵاتیان .

دوای روپێوییەكی ورد لەلایەن لیژنەكەوە، زیانەكان بە سووتانی پێنج هەزار دۆنم دارستانی سروشتی و سووتانی زیاتر لە هەزار دۆنم پاوانی سروشتی و سووتانی 36 دۆنم باخ لە هەرسێ گوندەكانی مۆردین و چناری كۆكۆیی و نەیجەڵە خەمڵێندران.

هاوكات لیژنەكە سووتانی بەرهەمی بنێشتی تەنها لەو شوێنانەی ئەمساڵ بنێشتیان لیكراوە لە هەردوو گوندی مۆردین و چناری كۆكۆیی بە بڕی 474 كگم بنێشت مەزەندە كرد.

لە ئێستاشدا لیژنەكە كۆنووسەكەی بۆ لایەنی پەیوەندیدار بەرزكردووەتەوە بۆ ئەنجامدانی كاری پێویست.

PUKMEDIA
دەقی كۆنووسی لیژنەكە: