له‌تیف نێروه‌یی: ئه‌و هێرشانه‌ی ده‌كرێنه‌ سه‌ر پارێزگاری كه‌ركوك ناڕه‌وان

PUKMEDIA

له‌تیف نێروه‌یی لێپرسراوی بۆردی راگه‌یاندنی یه‌كێتیی نیشتمانیی كوردستان

لێپرسراوی بۆردی راگه‌یاندنی یه‌كێتیی نیشتمانیی كوردستان له‌باره‌ی هه‌موو ئه‌و هێرشه‌ ناڕه‌واییانه‌ی ده‌كرێنه‌ سه‌ر پارێزگاری كه‌ركوك ده‌ڵێت: "ئه‌و په‌لامارانه‌ چاوه‌ڕوانكراون و هه‌مووجارێك له‌گه‌ڵ نزیكبوونه‌وه‌ی هه‌ڵبژاردنه‌كاندا ئه‌و جۆره‌ په‌لاماردانانه‌ دروست ده‌بن، به‌ڵام ئه‌و په‌لامارانه‌ یه‌كێتی و كاك رێبوار لای جه‌ماوه‌ری كه‌ركوك خۆشه‌ویست تر ده‌كات".

لەتیف نێروەیی لێپرسراوی بۆردی راگەیاندنی یەكێتیی نیشتمانیی كوردستان، لەلێدوانێكیدا  بۆ وێبسایتی رەسمی یەكێتیی نیشتمانیی كوردستان PUKMEDIA ، سەبارەت بەو هێرشە ناڕ‌ەوایانەی دەكرێنە سەر رێبوار تەها پارێزگاری كەركوك رایگەیاند: ئەو پەلامارانە چاوەڕوانكراون، چونكە هەركاتێك هەڵبژاردنەكان نزیك دەبێتەوە، ئیدی كەركوك لەسەر زاری هەندێك كەس زۆر شیرین دەبێت، هەر كاتێكیش هەڵبژاردنەكان كۆتایی پێهات، ئیدی بۆ ماوەی چوارساڵ ئەوكەسانە بێ دەنگ دەبن و وەك ئەو گۆرانییەی كە دەڵێت، نەهیچی تۆم ،نەهیچی من.

راشیگه‌یاند: ئه‌وان له‌دوڵێكدا ده‌ژین و كه‌ركوك و یه‌كێتییه‌كانیش له‌دوڵێكی دیكه‌دا، بۆیه‌ له‌سه‌روبه‌ندی نزیكبوونه‌وه‌ی بانگه‌شه‌ی هه‌ڵبژاردندا هه‌ندێك كه‌س تازه‌ به‌خه‌به‌ردێن و په‌لاماری یه‌كێتی و پارێزگاری كه‌ركوك ده‌ده‌ن !!. دڵنیاین  له‌سه‌ر ئه‌و په‌لامارانه‌ یه‌كێتی و كاك رێبوار لای جه‌ماوه‌ری كه‌ركوك خۆشه‌ویست تر ده‌بن .

ئه‌مه‌ش له‌كاتێكدایه‌، شاخه‌وان عه‌بدوڵڵا په‌رله‌مانتاری پارتی له‌به‌غدا رایگه‌یاندبوو، "ژماره‌یه‌ك قه‌زاو ناحیه‌ی كوردنشین و توركماننشین له‌ڕ‌ووی كارگێڕ‌یی كاره‌باوه‌ ده‌خرێنه‌سه‌ر قه‌زای حه‌ویجه‌، شه‌وی رابردوو نووسینگه‌ی پارێزگاری كه‌ركووك وه‌ڵامی دایه‌وه‌و رایگه‌یاند، "ره‌زامه‌ندیی سه‌رۆكوه‌زیرانی عیراق ته‌نها بۆ جیاكردنه‌وه‌ی فه‌رمانگه‌ی كاره‌بای حه‌ویجه‌یه‌، نه‌ك بابه‌تی دیكه‌".

PUKMEDIA