كۆمسیۆن وادەی پێشكەشكردنی داواكاری بۆ كارمەندانی سەرسندوق درێژكردەوە

PUKMEDIA

كارمەندانی سەرسندوق

كۆمسیۆنی باڵای سەربەخۆی هەڵبژاردنەكانی عیراق، وادەی داواكاری بۆ كارمەندانی سەرسندوق بۆ هەڵبژاردنی ئەنجومەنی نوێنەرانی عیراق، تا رۆژی 20ی تەمموز درێژكردەوە.

كۆمسیۆنی باڵای سەربەخۆی هەڵبژاردنەكانی عیراق، لە راگەیەندراوێكدا كە كۆپییەكی دەست PUKMEDIA كەوتووە رایگەیاندووە: "وادەی پێشكەشكردنی داواكاری بۆ كارمەندانی سەرسندوق بۆ هەڵبژاردنی ئەنجومەنی نوێنەرانی عیراق تا رۆژی 20ی تەمموزی 2025 درێژكرایەوە".

راشیگەیاندووە: "پێویستە پێش وادەی دیاریكراو، داواكار فۆڕمی داواكاریی بۆ كارمەندی سەر سندوق، پێشكەش بە نزیكترین سەنتەری تۆماركردن بكات " لەڕێگەی ئەم لینكەی خوارەوە: 

https://pcemp.ihec.iq

ئەمەش لەكاتێكدایە، كۆمسیۆنی باڵای سەربەخۆی هەڵبژاردنەكانی عیراق، رۆژی 3ی 6ی 2025 تا رۆژی 9ی 7ی 2025، دەرگای پڕكردنەوەی فۆڕمی داواكاری بۆ كارمەندانی سەرسندوق كردەوە و ئەمڕۆش وادەكەی تا 20ی تەمموز درێژكردەوە. 

 ئه‌نجومه‌نی وه‌زیرانی عیراق، رۆژی 9ی4ی2025 له‌ كۆبوونه‌وه‌ی ئاسایی خۆیدا، رۆژی 11ی11ی2025ی وه‌ك رۆژی ئه‌نجامدانی هه‌ڵبژاردنی ئه‌نجومه‌نی نوێنه‌ران دیاریكرد.
 
PUKMEDIA