سه‌رۆككۆمار و سه‌رۆكوه‌زیران باس له‌چاره‌سه‌ری كێشه‌ی مووچه‌خۆرانی هه‌رێم دەكەن

راگەیاندنی سەرۆككۆماری عیراق

د.لەتیف رەشید سەرۆككۆماری عیراق، محەمەد شیاع سودانی سەرۆكوەزیرانی عیراق

ئەمڕ‌ۆ 7ی 7ی2025 د.لەتیف رەشید سەرۆككۆماری عیراق لەگەڵ محەمەد شیاع سودانی سەرۆكوەزیرانی عیراق كۆبووەوە و هەردوولا باسيان لە چارەسەری كێشەكانی نێوان هەولێر و بەغدا كرد.

لەكۆبوونەوەكەدا بارودۆخی گشتی وڵات و پێشهاتەكان لەسەر ئاستی هەرێم و ئەو ئاستەنگانەی رووبەڕووی هەرێم دەبنەوە بەگشتی تاوتوێكران و جەختیان لەسەر پێویستی یەكخستنی گوتار و هەڵوێستەكان و پێشخستنی بەرژەوەندیی گشتی بەسەر بەرژەوەندی تایبەتیدا بۆ رووبەڕووبوونەوەی هەموو جۆرە ئاستەنگەكان و لەبەرچاوگرتنی بەرژەوەندیی سەرجەم عیراقییەكان كردەوە.

هەروەها دۆسیەی دابینكردنی مووچەی فەرمانبەرانی هەرێمی كوردستانی عیراق تاوتوێكران و كاركردن بۆ چارەسەركردنی دۆسیە هاوبەشەكان بەپێی بنەما دەستووری و یاساییە كارپێكراوكان هەروەها گفتوگۆیان لەسەر  رێوشوێنی ئامادەكارییەكانی هەڵبژاردن لە وادەی دیاریكراوی خۆیدا كرد بۆ ئەوەی ئەنجامەكانیان دەربڕینی راستەقینەی خواستەكانی گەلی عیراق بن.

PUKMEDIA