سکرتێرى یەکێتیى ژنان: لە خزمەتكردن بەردەوام دەبین

PUKMEDIA

لۆگۆی یەکێتیی ژنانی کوردستان

لەیلا عەبدوڵڵا بە كۆی دەنگی 38 ئەندامی دەستەی گشتیی، بە سكرتێری نوێی یەكێتیی ژنانی كوردستان هەڵبژێردرا و رایدەگەیەنێت: "بەگڕوتینێكی زیاترەوە بەردەوام دەبین لە خزمەتكردنی ژنان بەبێ جیاوازی و كار بۆ باشتركردنی ژیان و باری كۆمەڵایەتیان دەكەین".

لەیلا عەبدوڵڵا سكرتێری نوێی یەكێتی ژنانی كوردستان بە وێبسایتی رەسمی یەكێتیی نیشتمانیی كوردستان PUKMEDIA ی راگەیاند: "دوێنێ 3-6-2025، بە كۆی دەنگی 38 ئەندامی دەستەی گشتیی بە سكرتێری یەكێتیی ژنانی كوردستان هەڵبژێردرام".

"هەمیشە خزمەتی ژنانمان كردووە و لە داهاتووشدا بەگڕوتینێكی زیاترەوە لەسەر ئەو خزمەتە بەردەوام دەبین و كار بۆ باشتركردنی ژیان و باری ئابوری و كۆمەڵایەتی ژنانی كوردستان دەكەین" لەیلا عەبدوڵڵا وا دەڵێت.

جێی ئاماژەیە، رۆژانی 21 و 22 و 23-4-2025 لەژێر دروشمی (ژن، خەبات، ژیان) یەكێتیی ژنانی كوردستان، بە بەشداری 244 ئەندام، كۆنگرەی خۆی ئەنجامدا كە لەدیداری یەكەمی یەكێتیی نیشتمانیی كوردستاندا بڕیاری لێ درابوو، تێیدا ئەندامانی دەستەی گشتی هەڵبژێردران دوێنێش 3ی 6ی 2025 بە كۆی دەنگی 38ی ئەندامی دەستەی گشتی نوێ، لەیلا عەبدوڵڵایان بە سكرتێری یەكێتی ژنان هەڵبژارد.

PUKMEDIA