هەڵەبجە پەیوەندییەكانی لەگەڵ پارێزگاكانی كوردستان بەهێزتر دەكات

PUKMEDIA

ئیمزاكردنی یاداشتی لێكتێگەیشتن لە نێوان پارێزگای هەڵەبجە و پارێزگاكانی كوردستان

یاداشتی لێكتێگەیشتن لە نێوان پارێزگای هەڵەبجە و پارێزگاكانی سنە، ئورمیە-ئازربایجان و كرمانشا ئیمزا كرا.

  لەدووەمین رۆژی سەردانەكەی وەفدی حكومەتی هەرێمی كوردستان بۆ سنە (پارێزگای كوردستان)، ئەمڕ‌ۆ 21-5-2025، نوخشە ناسیح، پارێزگاری  هەڵەبجە بە وەكالەت و پارێزگارەكانی هەولێر و سلێمانی و دهۆك بەئامادەبوونی سەرۆكی ژورە بازرگانییەكانی پارێزگاكانی هەڵەبجە و كوردستان بەشداریان لەكۆڕ‌بەندی ئابوری و بازرگانی سنە (پارێزگای كوردستان) كرد. 

پاش گفتوگۆ و ئاڵوگۆڕ‌ی سەرنجەكان لەدرێژەی كۆڕ‌بەندەكەدا‌ یاداشتێكی گرنگی لێكتێگەیشتن لەنێوان پارێزگاری هەڵەبجە و پارێزگارەكانی سنە، ئورمیە ئازربایجان و كرمانشا ئیمزا كرا، یاداشتەكە سەبارەت بەخاڵە سنورییەكان و بواری كلتوری و ئابوری و زانستی و بازرگانی و خوێندن و كشتوكاڵ بوو، كە كاریگەری گرنگ و بنەڕ‌ەتی دەبێت لە بەهێزكردنی زیاتری پەیوەندییەكانی نێوان پارێزگای هەڵەبجە و كوردستان لەگەڵ كۆماری ئیسلامی ئێران و بوژانەوە و كرانەوەی زیاتری پارێزگای هەڵەبجە لەسەرجەم رووەكانەوە.

PUKMEDIA