دژەتیرۆر ژمارەیەک ت*یر*ۆر*ست لە کەرکوک دەستگیردەکات

ئاژانسەکان

لۆگۆى دژەتیرۆر

بەڕێوبەرایەتیی گشتیی دژەتیرۆر  لە راگەیەنراوێکدا کە کۆپیەکى بۆ  PUKMEDIA نێردراوە، ئاماژەبە ئەوە دەکات: "بە هاوبەشی لەگەڵ دەزگای دژەتیرۆری عیراق پاڵپشت بە بەدواداچوون و زانیاریی هەواڵگری ورد، ئۆپەراسیۆنێکی هاوبەشیان لە سنوری پارێزگای کەرکوک ئەنجامدا و توانرا ژمارەیەک ت*یر*ۆر*ست و تۆمەتبار دەستگیربکرێن و دەست بەسەر ژمارەیەک پارچە چەک و تەقەمەنی بگیرێت ".

لە راگەیەنراوەکەدا ئەوەش خراوەتەڕوو:"لە ئۆپەراسیۆنەکە توانرا ژمارەیەک ت*یر*ۆ*رست و تۆمەتبار دەستگیربکرێن، کە پێشینەیان لەناو رێکخراوی ت*یر*ۆر*ستی دا*ع*ش هەبووە و لە ئێستاشدا بەشێک بوون لە شانە ناچالاکەکانی رێکخراوەکە و کاری گواستنەوەی کەرەستە و پێداویستی لۆجستییان کردووە، بۆ پاشماوە چەکدارەکانی رێکخراوە".

باسلەئەوەشکراوە: "لە ئۆپەراسیۆنەکەدا توانرا دەست بەسەر ژمارەیەک پارچە چەک و تەقەمەنی بگیرێت، هەروەها دەست بەسەر ژمارەیەک مۆبایل و سیم کارد گیرا کە بۆ پەیوەندی لەگەڵ ژمارەیەک ت*یر*ۆر*ستی دیکە بەکارهاتبوو".

ئەوەشخراوەتەڕوو: "پاش دەستگیرکردن و لێکۆڵینەوە لەگەڵیان، دەستبەجێ ڕادەستی یاسا کران بەمەبەستی گرتنەبەری رێکاری پێویست و یاسایی بۆ سزادانیان".

PUKMEDIA