سمکۆ سالار وەک قائیمقامی هەڵەبجە دەستبەکاربوو

PUKMEDIA

سمکۆ سالار قائیمقامی قەزای ناوەندی هەڵەبجە

ئەمڕۆ 30ی4ی2025 لەمەراسیمێکدا سمکۆ سالار وەک قائیمقامی قەزای ناوەندی هەڵەبجە دەستبەکاربوو، فەرمانی دەستبەکاربوونەکەشی لەلایەن نوخشە ناسیح پارێزگاری هەڵەبجەوە پێدرا.


لەمەراسیمی دەستبەکاربوونەکەیدا سمکۆ سالار قائیمقامی قەزای ناوەندی هەڵەبجە لەوتەیەکدا رایگەیاند:" سوپاسی نوسینگەی قوباد تاڵەبانی جێگری سەرۆکوەزیران و حکومەتی هەرێمی کوردستان و یەکێتیی نیشتمانیی کوردستان و کەسوکاری شەهیدان دەکەم، کە ئەو متمانەیان پێدام وەک قائیمقامی ناوچەکە دەستبەکاربم".  

راشیگەیاند:"سوپاس بۆ فراکسیۆنە کوردستانییەکان کە یەکدەنگانە هەڵەبجەیان کردە پارێزگا، ئەمڕۆ لەقۆناغێکداین ئەرکەکانمان قورسترن و لە ئایندەدا زۆر شت چاوەڕێمان دەکات، هەربۆیە بەڵێن دەدەم هاوکار و یاریدەدەری پارێزگاری هەڵەبجە بم و پێکەوە بتوانین خزمەتی زیاتر بکەین".

ئەمەش لەکاتێکدایە رۆژى 14ى نیسانى2025 ئەنجوومەنى نوێنەرانى عیراق لەدانیشتنێکدا دەنگی لەسەر بە پارێزگابوونى هەڵەبجە دا و رۆژی 29 ی نیسانی 2025، د.لەتیف جەمال رەشید سەرۆككۆماری عیراق لەمیانی رێوڕەسمێكی تایبەتدا بەئامادەبوونی ژمارەیەك لەئەندامانی ئەنجومەنی نوێنەران و بەرپرسان و نوێنەرانی كەسوكاری شەهیدانی كیمیابارانی هەڵەبجە، لەکۆشکی بەغدا مەرسومی كۆماری بۆ دامەزراندنی پارێزگاكە دەركرد.

PUKMEDIA