کۆمپانیایەکی بەریتانی هەزاران هەلی کار دەڕەخسێنێت

ميدياكان

کۆمپانیای بی پی بەریتانی

کۆمپانیای بی پی بەریتانی ئاشکرای دەکات یەدەگی نەوتی کەرکوک پێنج ملیار بەرمیلە و بەمزووانە لە کێڵگە نەوتییەکانی پارێزگاکە دەست بە وەبەرهێنان دەکاتەوە، ئەویش لەدوا ئیمزا کردنی گرێبەستەکەیان لەگەڵ حکومەتی عیراق و رایدەگەیەنێت: "هەزاران هەلی کاریش لە کەرکوک دەڕەخسێنن".


بەگوێرەی ئەو گرێبەستی کۆمپانیا بەریتانی کە لەگەڵ حکومەتی عيراق کە ئێستا لە قۆناغی یەکەمدایە، کۆمپانیاکە  بەرهەمهێنانی نەوت و غاز بە بڕی زیاتر لە 3 ملیار بەرمیل نەوت دەگرێتەوە .

ئەمەش لەکاتێکدایە لە ساڵانی 2014 تاوەکو 2017 بەهۆی شەڕی داعشەوە گرێبەستی کارکردنی لە کێڵگە نەوتییەکانی کەرکوک دواخست .

 وەزارەتی نەوتی عيراق وردەکاری رێکەوتنەکەی لەگەڵ کۆمپانیای BP بەریتانی بۆ پەرەپێدانی چوار کێڵگەی نەوتی کەرکوک بڵاوکردووەتەوەو دەڵێت: "بەرهەمهێنانی نەوتی ئەو چوار کێڵگەیە بۆ 420 هەزار بەرمیلی نەوتی رۆژانە بەرزدەبێتەوە و ڕێککەوتنەکە بۆ ماوەی 25 ساڵەو دەکرێت دوای ئەو ماوەیە بۆ پێنج ساڵی دیکەش درێژبکرێتەوە".

بەپێی گرێبەستەکە خزمەتگوزاری کۆمەڵایەتی بۆ ناوچەکانی دەوروبەری کێڵگەکان دەرەخسێندرێت .

لە گرێبەستەکەدا هاتووە کە 85% کادرو کارمەندانی کۆمپانیاکە عیراقی دەبن، بەمەش هەزاران هەلی کار دەرخسێنێت بۆ هاوڵاتیان و کۆمپانیا ناوخۆییەکان.


PUKMEDIA