دژەتیرۆر ژمارەیەک مۆڵگەی تیرۆرستان لەناودەبات

PUKMEDIA

لۆگۆی دژە تیرۆر

هێزەکانی بەڕێوەبەرایەتی گشتیی دژەتیرۆر بە هاوبەشی لەگەڵ دەزگای دژەتیرۆری عيراق و هاوپەیمانی نێودەوڵەتیی بۆ بەرەنگاربوونەوەی داعش، هەڵمەتێکی کێوماڵکردنی ئەنجامدا بۆ لەناوبردنی مۆڵگەی تیرۆرستان.

لەڕاگەیەنراوێکدا کە وێنەیەکی بۆ PUKMEDIA نێردراوە، هێزەکانی بەڕێوەبەرایەتی دژەتیرۆر رایگەیاند: "توانرا ژمارەیەک حەشارگەو پەناگە خاپوور بکرێن و  ژمارەیەک کەلوپەل و ئازوقە کە لەلایەن گروپە تیررۆستیيەکانەوە بەکاردەهات لەناوببرێن".

"هەڵمەتەکە بەشێکە لە هەوڵە بەرفراوان و بەردەوامەکانی بەڕێوبەرایەتیی گشتیی دژەتیرۆر و دەزگا ئەمنییەکانی عيراق و هەرێمی کوردستان بۆ لەناوبردنی پاشماوەی تیرۆرستان و هەر گروپ و ڕێکخراوێک بیەوێت مەترسیی بخاتە سەر ئارامی و ئاسایشی خەڵک"لەڕاگەيەنراوەکەدا هاتووە.

PUKMEDIA