قوباد تاڵەبانی: بەكارهێنانی سوپا لەدژی كورد هەنگاوێكی مەترسیدارە

PUKMEDIA

قوباد تاڵەبانی جێگری سەرۆكوەزیرانی هەرێم

قوباد تاڵەبانی جێگری سەرۆكوەزیرانی هەرێم لەسەر دەستوەردانەكانی سوپای عیراق هاتە دەنگ و دەڵێت: "بەپێچەوانەی دەستورو یاسا سوپا بەكاردەهێنرێت لەدژی خاوەنە رەسەنەكانی زەویوزاری سەرگەڕان و رەفتاری لەم شێوەیە هەنگاوێكی مەترسیدارەو داهاتووی پێكەوەژیان دەخاتە مەترسییەوە"، دەشڵێت: "بە تەواوی پشتگیری جوتیاران دەكەین و بە هاوكاری هەموو لایەنەكان لە كەركوك هەوڵی چارەسەركردنی یەكجاری ئەم كێشەیە دەدەین".

قوباد تاڵەبانی جێگری سەرۆكوەزیرانی هەرێم رایدەگەیەنێت: "هێشتا مانگێك بەسەر پەسندكردنی یاسای هەڵوەشاندنەوەی بڕیارەكانی ئەنجومەنی سەركردایەتیی بەعسی هەڵوەشاوە تێپەڕ نەبووە كەچی پێچەوانەی دەستور و یاسا سوپا بەكاردەهێنرێت لە دژی خاوەنە رەسەنەكانی زەویوزاری سەرگەڕان". 

راشیدەگەیەنێت: "ئێمە هەمیشە كارمان كردوەو هاندەربووین بۆ بەهێزكردنی گیانی پێكەوەژیان لە كەركوك، بەكارهێنانی سوپا و رەفتاری لەم شێوەیە هەنگاوێكی مەترسیدارەو بەردەوامیی پێشێلكاری لەم چەشنە داهاتووی پێكەوەژیان دەخاتە مەترسییەوە". 

قوباد تاڵەبانی دەشڵێت: "بە تەواوی پشتگیری جوتیاران دەكەین و بە هاوكاری هەموو لایەنەكان لە كەركوك هەوڵی چارەسەركردنی یەكجاری ئەم كێشەیە دەدەین و پێداگری دەكەین لەسەر سزادانی یاسایی سەرپێچیكاران و ئەوانەشی فەرمانیان داوە بە بەكارهێنانی سوپا لە دژی جوتیارانی كورد".

PUKMEDIA