مەكتەبی سیاسی: پشتیوانی لەخەباتی ژنان و نەهێشتنی جیاكاری دەكەین

PUKMEDIA

8ی مارس و لۆگۆی یەكێتی

بەبۆنەی 8ی مارس رۆژی جیهانی ژنانەوە، مەكتەبی سیاسیی یەكێتیی نیشتیمانی كوردستان پەیامێكی بڵاوكردەوەو تێیدا رایگەیاندووە: "لەسەر رێبازی سەرۆك مام جەلال، پشتیوانی لە خەباتی ژنان و نەهێشتنی جیاكاری دەكەین".

دەقی پەیامەكە:

پەیامی مەكتەبی سیاسی یەكێتیی نیشتیمانی كوردستان لە رۆژی جیهانی ژناندا.

  لە بیرەوەری هەشتی مارسدا، پیرۆزبایی لە ژنانی كوردستان و تەواوی عێراق و جیهان دەكەین، ئەم یادە دەكەینە دەرفەتی دووپاتكردنەوەی  پشتیوانی هەمیشەیی یەكێتیی نیشتیمانیی كوردستان، لەسەر رێبازی سەرۆك مام جەلال،  بۆ خەباتی ژنان و بزووتنەوەی یەكسانی و نەهێشتنی جیاكاری و فراوانكردنی بەشداری  ژنانی كوردەواری لە ناوەندەكانی بریار و داڕشتنی سیاسەتدا.

لەم یادەدا سڵاو دەنێرین یۆ رۆحی ئەو ژنە تەوارانەی لەپێناو ئازادی و سەربەخۆیی و وەك یەكی كۆمەڵایەتیدا گیانیان بەخشی، رێز و ئەمەكیش بۆ ژنانی خەباتكاری ئەمرۆ لە رێی بەدیهێنانی ماف و یەكسانیخوازیدا، بەتایبەتیش هەڤاڵان لە ژنانی تێكۆشەری ریزەكانی یەكێتیی نیشتمانیی كوردستان .

مەكتەبی سیاسیی
یەكێتیی نیشتیمانی كوردستان

PUKMEDIA